პუსანი

პუსანი
შილა	გერბი
ქიანა	ობჟათე კორეა
რეგიონი	იონამი
კოორდ.	35°10′46″ ოორ. გ. 129°04′32″ ელ. გ. /
დინოხოლენი დორთუალა	15 მუნიციპალური რაიონი, 1 მაზრა
ორდოიანი ჯოხოეფი	კოჩილსანგუნი (VI ოშწანურა), ტონე (757 — 1910 წწ.)
ფართობი	768,43 კმ²
ცენტრიშ სიმაღალა	38 მ
კლიმატიშ ტიპი	ლამე სუბტროპიკული
ოფიციალური ნინა	კორეული
მახორობა	3,411,829 კოჩი (2020)
მეჭედალა	4400 კოჩი/კმ²
აგლომერაცია	7,000,699
ბორჯიშ ორტყაფუ	UTC+9
ტელ. კოდი	(+82) 051
ოფიციალური ვებ-ხასჷლა	www.busan.go.kr/
	პუსანი

პუსანი (კორ. 부산^?, 釜山^?) — ნოღა ობჟათე კორეას. პუსანი რე ნოღა-მეტროპოლია (1995 წანაშახ — ბონი დოჸუნალაშ ნოღა).

სიკაბეტაშ მეჯინათ, ქიანაშ მაჟირა ნოღა სეულიშ უკული. ობჟათე კორეაშ უშხუაში ონიშოლი, ჩინებული რე მუჭოთ „ობჟათე კორეაშ რესპუბლიკაშ ოზუღე ნანანოღა“. ნოღაშ ოფიციალური ჯოხოდვალა — ნოღა-მეტროპოლია პუსანი (კორ. 부산광역시^?, 釜山廣域市^? პუსან-კვანიოქსი). პუსანი იდვალუაფჷ კორაშ ჩქონიშ ობჟათე-ბჟაეიოლ მუხურს, კორეაშ საროტიშ წყატპიჯის. ნოღაშ არძაშე მეჭედელო დოხორელი რაიონეფი იდვალუაფჷ წყარმალუეფიშ, ნაკტონგანიშ დო სუიონგანიშ მუსხირენი ინწრო ლეხერს, გვალეფი ნოღაშ კანკალე რაიონეფიშ ორთაშობურ ხურგიშ როლს არსულენა.

2002 წანას, პუსან იმანჯჷ აზიურ ლაჸაფეფქ დო კუჩხბურთიშ მოსოფელიშ ჩემპიონატიქ, 2005 წანას, ნოღაქ გჷნირთჷ არეწ-იშ ფორუმიშ ნანანოღათ.

პუსანი — აზიაშ ართ-ართი თეხანური ნოღა რე. ნოღა ჩინებული რე მუში ანდამუდანამი ცაშმანჭუეფით დო შხვა არქიტექტურული ოქინაფუეფი. თაქ იდვალუაფჷ მოსოფელიშ ართ-ართი უკაბეტაში უნივერისტეტი — „სინსეგე სენტუმ სიტი“.