ტელანგანა
ტელანგანა (ტელუგ. తెలంగాణ, ჰინ. तेलंगाना) — შტატი ინდოეთის, ნამუშ ფართობი 114 840 კმ² დო მახორობა 30 696 520 ადამიერი რე (2011 წანაშ ეჭარუაშ მეჯინათ). შტატიშ ჯოხოდვალა "ტელუგუარეფიშ დიხას" შანენს. რეგიონშა მიშმურს ჸოფირი ჰაიდარაბადიშ სათაროშ ტელუგუარეფით დოხორელი რაიონეფი. რეგიონი იკენს დეკანიშ გაბარიშ ტერიტორიას.
| ქიანა |  ინდოეთი |
| სტატუსი | შტატი |
| ადმინ. ცენტრი | ჰაიდარაბადი |
| შხუ ნოღა | ჰაიდარაბადი |
| შხუ ნოღეფი | ვარანგალი, ნიზამაბადი |
| მადუდე | გუბერნატორი: ეკადუ სრინივასან ლაკშმი ნარასიმჰანი თარი მინისტრი: კირან კუმარ რედდი |
| ოფიც. ნინა | ტელუგუ, ურდუ ნინა |
| მახორობა (2011) | 35 286 757 (21-ა აბანი) |
| მეჭედალა | 310 კოჩი/კმ² |
| ფართობი | 114 840 კმ² (12-ა აბანი) |
 | |
| ბორჯიშ ორტყაფუ | UTC+5:30 |
| კოდი ISO 3166-2 | IN-AP |
| ოფიციალური ვებ-ხასჷლა | |
 | Telangana |
ახალი შტატიშ აკოქიმინუა
2009 წანაშ 9 ქირსეთუთას, ინდოეთიშ თარობაქ გეგმაცხადჷ ტელანგანაშ გჷშართუალაშ დოჭყაფა დო ახალი დუდიშული შტატიშ წჷმოქიმიუაშენი[1].
2013—2014 წანეფს, ტელანგანაშ ანდჰრა-პრადეშიშე გჷშართუალაშ კანონპროექტის, კანკალე შტატეფქ დო ინდოეთიშ პარლამენტიშ ჟილენი დო გიმენი პალატეფქ მუუდირთეს[2][3][4][5][6][7].
თაშნეშე თე კანონპროექტის აწუდირთეს დო ვაბაღებული რდჷ კანკალე პოლიტიკოსეფი. სუმი პარლამენტიშ მაკათური რდჷ დაშებული დო ოლეხეშა გინოჸონაფილი პარლამენტიშ გიმენ პალატას ართიან შქას ბურსაფიშ გეშა[8]. თაშნეშე შტატიშ დორთუალაშე კმაყოფილი ვარდჷ ნალარი კირან კუმარი რედი — შტატი ანდჰრა-პრადეშიშ თარობაშ მადუდე[9][10]. პროტესტიშ შანო, 2014 წანაშ 19 ფურთუთას, მუში პოსტი ქჷდიტუ[11]
2014 წანაშ 28 ფურთუთას, კანონპროექტის მუუდირთჷ ინდოეთიშ პრეზიდენტიქ პრანაბ მუხერჯიქ ხოლო, ნამუქჷთ თაშნეშე რეგიონშა ბონი საპრეზიდენტო მართუალა მიშეღჷ[12][13][14] .
2014 წანაშ 2 მანგის, ტელანგანაქ ოფიციალურო ინდოეთიშ 29-ა შტატიშ სტატუსი მიღჷ.[15]
ოლქეფი
ტელანგანაშ შტატი იკენს, ინდოეთიშ შტატი ანდჰრა-პრადეშიშ ჸოფირ 10 ოლქის. ჰაიდარაბადიშ ოლქი ჟირხოლო შტატიშო ნანანოღა რე.
- ადილაბადი
- ვარანგალი
- კარიმნაგარი
- ხამამი
- მაჰბუბნაგარი
- მედაკი
- ნალგონდა
- ნიზამაბადი
- რანგარედი
- ჰაიდარაბადი
