ტომას ტრანსტრიომერი
ტომას იოსტრა ტრანსტრიომერი (შვედ. Tomas Gösta Tranströmer; დ. 15 პირელი, 1931, სტოკჰოლმი, შვედეთი — ღ. 26 მელახი, 2015, სტოკჰოლმი, შვედეთი) — შვედი პოეტი, მათანგალი დო ფსიქოლოგი, ნობელიშ პრემიაშ ლაურეატი ლიტერატურაშ დარგის 2011 წანას. თიში ლერსეფი ეთმოხანტუნს შვედეთიშ ორთაშობურ სისქვამეს.
| ტომას ტრანსტრიომერი | |
 ტრანსტრიომერი ჭარუეფიშ დო მათანგალეფიშ 2008 წანაშ საირქიანო კონფერენციას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | მელახი 26, 2015 (83 წანერი) |
| ღურაშ აბანი: | სტოკჰოლმი, შვედეთი |
| ერუანობა: | |
| საქვარუა: | |
| პერიოდი : | 1954–2015 |
| Magnum opus: |
|
| ნინა: | |
| ჯილდოეფი: |
|
ბიოგრაფია
ორდოიანი რინა
ტომას ტრანსტრიომერქ დებადჷ სტოკჰოლმის, 1931 წანაშ 15 პირელს. გურაფულენდჷ სტოკჰოლმიშ ლათინურ გიმნაზიას. ჸათე პერიოდიშე პოეზიათ დეინტერესჷ დო დიჭყჷ ლერსეფიშ ჭარუა. მუში მაართა პოეტური ნაჭარეფი გჷმაბჟინუ სტოკჰოლმიშ ლიტერატურულ ჟურნალეფს. მაართა პოეტურ კათელქ "17 ლერსი", გიშართჷ 1954 წანას. გიმნაზიაშ თებაშ უკულ, ტრანსტრიომერქ სტოკჰოლმიშ უნივერსიტეტიშა გემშართჷ, სოდეთ ფსიქოლოგიას გურაფულენდჷ. 1960-იან წანეფშე მუშენდჷ შხვადოშხვა ომენცარე ცენტრეფს, ფსიქოლოგო.
პოეზია
ტომას ტრანსტრიომერი მაეჩა ოშწანურაშ სკანდინავიაშ ართ-ართი გოლინიანი პოეტი რდჷ. რე ავტორი 15 პოეტური კათელიშ. თიში ნაჭარეფი თანგილი რე მოსოფელიშ 60 ნინაშა. ტრანსტრიომერიშ ნახანდეფი ორხველუდჷ მოდერნიზმიშ, ექსპრესიონიზმიშ დო სიურრეალიზმიშ გემაჸვენჯობეფს. ტრანსტრიომერის დიდი პოპულარობა მოუღჷ პოეტურ კათელეფქ: "გვერდო დალიებური ცა", "ოსინთურეფი დო ქუალეფი", "ბალტიაშ ზუღა", "თელეფიშო დო ღურელეფიშო" დო "სერდიანი გონდოლა".
1990 წანას, ინსულტიშ მეღებაშ უკულ, ტრანსტრიომერქ პარალიზებულო გინირთჷ დო დეინვალიდჷ, მარა ლიტერატურული კარიერა იშენ გაგინძორჷ 2000-იან წანეფშა. ტომას ტრანსტრიომერქ ღურუ 2015 წანაშ 26 მელახის, 83 წანერქ.
ჯილდოეფი დო პრემიეფი
ტომას ტრანსტრიომერი რდჷ შხვადოშხვა პრემიეფიშ დო ჯილდოეფიშ ლაურეატი. 1966 წანას მიპალუ ბელმანიშ პრემია (შვედეთი), 1981 წანას პეტრარკაშ პრემია (გერმანია), 1990 წანას ნეიშტადტიშ საირქიანო ლიტერატურული პრემია (ააშ) დო ოორუე სხუნუშ ლიტერატურული პრემია (ოორუე ევროპაშ ქიანეფი), 1991 წანას შვედეთიშ აკადემიაშ ლიტერატურული პრემია (შვედეთი), 1992 წანას ჰორსტ ბინეკიშ პოეტური პრემია (გერმანია), 1996 წანას ავგუსტიშ პრემია (შვედეთი), 1998 წანას იან სმერკიშ პრემია (სლოვაკეთი), 2004 წანას ნონინოშ საირქიანო პრემია (იტალია) დო 2001 წანას ნობელიშ პრემია ლიტერატურაშ დარგის (შვედეთი).
