ჯეტ ლი

ჯეტ ლი (ნანდ. ჯოხო: ლი ლიანძი ჩინ. 李連杰/李连杰 Li Lianjie; დ. 26 პირელი, 1963, პეკინი), ჩინარი არტისტი, პროდიუსერი დო უშუშ ჩემპიონი.

ჯეტ ლი
ლი 2009 წანას
დაბადებაშ ჯოხო	ლი ლიანძი
დაბადებაშ აბანი	პეკინი, ჩინეთი
დებადჷ	26 პირელი, 1963 (1963-04-26) (61 წანერი)
საქვარუა	არტისტი, მუსიკოსი
შხვა ჯოხოეფი	ლი იან ჩონი
აკოქიმინჯალაშ წანეფი	1982–ასეშა
ალმასქუ(ეფი)	ჰონ ციუიანი (1987–1990) ნინა ლი ჩი (1999-ამდღარშა)
ოფიციალური ვებხასჷლა	www.jetli.com

ჯეტ ლიქ შკვითი წანაშ ხანს დეინტერეს უჯვეშაში ჩინური რკინებაშ ხელუანუათ დო ჩინებულ უშუშ მაწვართალწკჷმა ვუ ბინწკჷმა მორქიაშ დოჭყაფაშე სუმი წანაშ უკული, თიქ მაართაშა მიგჷ უშუშ ნაციონალური ჩემპიონატი პეკინიშ უშუშ ბუნაწკჷმა ართო. 1981 წანას თინა იჭანეს ფილმის შაოლინიშ ოხვამეშ გინოღალეფს, მუქით თის დიდი პოპულარობა მოუღჷ ედომუშამი ქიანაშ მასშტაბით დო ართართი არძაშე მოთხუალი არტისტიქ იჸუ ჩინურ კინობაზარს. 1998 წანას ჯეტ ლიქ მაართათ ილაჸაფჷ ჰოლივუდურ ფილმის: თის თარი უარყოფითი გერგეზიშ როლი ონდეს ფილმის ომაღურე ანჯარი 4, სოდეთ თის პარტნიორეფი რდეს ჰოლივუდიშ მურიცხეფი: მელ გიბსონი, დენი გლოვერი, რენე რუსო დო კრის როკი. თიქ ილაჸაფჷ ფილმეფს: უგუჩემებუეფი (2010) სილვესტერ სტალონეწკჷმა ართო, დინაფილი ომაფე (2008) ჯეკი ჩანწკჷმა ართო დო მუმია: დრაკონეფიშ იმპერატორიშ ონთხორუ (2008).