SARS-CoV-2 ომიკრონ ვარიანტი
ინფორმაციაქ შილებე უწაიათ დითირას მოლინეფიშ გოვითარაფაშ მეჯინათ. გეთოლწონით, ნამჷ-და დუდიშეიანი ინფორმაცია შილებე კილუანი რდასინ. ასე თქვა ორწყეთ ვერსიას, ნამუშ ბოლო რედაქტირაფაშ ბორჯი რე: 2022 წანაშ 22 პირელი, 17:29 (UTC) (ხასჷლაშ სხუნუა) |
SARS-CoV-2 ომიკრონ ვარიანტი — ვირუსი, ნამუთ გჷმიჭანუანს COVID-19-ს. 2021 წანაშ 24 გერგობათუთას, თე ვირუსიშ გეშა პირველ ინფორმაცია გინოჩეს ჭყანთხილუაშ მოსოფელიშ ორგანიზაციას (ჭყანმო) ობჟათე აფრიკაშე.[1] 2021 წანაშ 26 გერგობათუთას, ჭყანმოქ თე ვირუსი მირჩქინჷ ოშონთაფე ვარიანტო დო ჯოხოთ გიოდჷ ბერძენული ანბანიშ მავითოხუთა ასოშ ჯოხო ომიკრონი.[2][3]
SARS-CoV-2 ომიკრონ ვარიანტი, თაშნეშე ჩინებული რე მუჭოთ B.1.1.529 გამნარჸიშ ღოზი, SARS-CoV-2 ვირუსიშ ვარიანტი, ნამუქჷთ პირველო გიმორჩქინდჷ ბოტსვანას დო ობჟათე აფრიკაშ რესპუბლიკას, 2021 წანაშ გერგობათუთას, ნამუთ შხვა ვარიანტეფშე გიშეგორუაფუ პეპლომერეფს კაბეტი მუდანობაშ მუტაციათ.
სტატისტიკა
ვირუსით დოინფიცირაფაშ დოდასურაფული დო სათაკილო შვანეფი 2021 წანაშ 9 ქირსეთუთაშ მუნაჩემეფით (ვა რსული, დეტალური ინფორმაცია ქოძირით ინგლისურ ვერსიას ):
ქიანა/ტერიტორია | დოდასურაფილი შვანეფი (GISAID)[4] | დოდასურაფილი შვანეფი (შხვა წყუეფი) | სათაკილო შვანეფი |
---|---|---|---|
დანია | 5 | 796[5][6] | – |
გოართოიანაფილი ომაფე | 451 | 817[7] | >1,000[8] |
ობჟათე აფრიკაშ რესპუბლიკა | 499 | – | – |
კანადა | 32 | 80[9] | |
ააშ | 62 | 71[10] | – |
ობჟათე კორეა | 3 | 60[11] | - |
ავსტრალია | 22 | 53[12] | – |
ზიმბაბვე | – | 50[13] |
რთოფუა
პირველაშე ვირუსიშ თე ვარიანტიქ იდენტიფიცირაფილქ იჸუ 2021 წანაშ 9 გერგობათუთას ბოტსვანას, მუსხირენ დღაშ უკული, ობჟათე აფრიკაშ რესპუბლიკას. არძაშე უკულაში ართ დაინფიცირაფილქ დინორთჷ ჰონგ-კონგიშა; ისრაელს ვირუსიქ გუმურჩქინდჷ ართ მოშარეს, ნამუქჷთ მოფურინჷ მალავიშე, ჟირს — ობჟათე აფრიკაშ რესპუბლიკაშე დო ართის — მადაგასკარიშე.
2021 წანაშ 26 გერგობათუთაშ მუნაჩემეფით, ევროპას ართი დოდასურაფილი შვანი რე ბელგიას; საეგებიოთ, მოშარექ დეინფიცირჷ ეგვიპტეს, 11 გერგობათუთას.
შანეფი დო სიმპტომეფი
აკა გინორთელი სიმპტომი ვა რე დჷმახასიათაფალი ათე ვარიანტიშო დო ვართ შხვა ვარიანტეფშა რე მეგურაფილი, კანკალე ინდივიდი უსიმპტომე რე.[14] ობჟათე აფრიკაშ სამედიცინე ასოციაციაშ უნჩაშიშ, ანჟელიკ კუეციშ რაგადუათ, თე ვირუსიშ ვარიანტით დოინფიცირაფილ თიშ პირველ პაციენტის უღუდჷ შულადაშ გინაფა, ტახუა დო ჭუეფი, მარა ვახვალაფუანდჷ დო ვაუდინუაფჷ შურიშ დო გემოშ გინაფა.[15]
პრევენციული ზჷმეფი
2021 წანაშ გერგობათუთას, გერმანიაქ, იტალიაქ დო გოართოიანაფილი ომაფექ გუხურგუეს კათას მინულა ობჟათე აფრიკაშ რესპუბლიკაშე. ევროპული კომისია გჷთმოსხუნუნს თე ქიანაწკჷმა ავიამიმოულაშ მეჭყორიდუას. 28 გერგობათუთაშე საქორთუოქ გუხურგჷ მინულა კათას აფრიკაშ 8 ქიანაშე (ობჟათე აფრიკაშ რესპუბლიკა, ბოტსვანა, ზიმბაბვე, ნამიბია, ლესოთო, ესვატინი, მოზამბიკი, მალავი)[16]. ნამდგა პიჯის, მენოღალობაშ უმკუჯინალო, ნამუსჷთ ბოლო 14 დღაშ გოძვენას, უღჷ ჟიშინელ ქიანეფშა შარალუაშ ისტორია, საქორთუოშა მინაულარო უციო რე 14-დღარი იზოლაცია/კარანტინი საკარანტინე ოფირჩას.
რესურსეფი ინტერნეტის
- “Coronavirus Variant Tracker“, The New York Times, 9 February 2021. კითხირიშ თარიღი: 1 December 2021. „Constantly Updated“
- Archived video:
- {cite AV media |people=Mohale F, Phaahla J, Oliveira T, Lessels R, Gottberg A, Moore P, Crisp N |date=25 November 2021 |title=Health Department briefs media about a new so-called super-variant |type=Internet video live stream |url=https://www.youtube.com/watch?v=b4aTIoZDQk4 |access-date=27 November 2021 |location=South Africa |publisher=eNCA}} Archived at the Wayback Machine and Ghostarchive.
- {cite AV media |people=Oliveira T, Kamwendo S |date=26 November 2021 |title=Professor Tulio de Oliviera on the new COVID-19 variant |type=Internet video live stream |url=https://www.youtube.com/watch?v=dMlqRsJ8vuU | archive-url=https://ghostarchive.org/varchive/dMlqRsJ8vuU | url-status=live | archive-date=2021-11-29 | access-date=27 November 2021 |location=South Africa |publisher=SABC News}} Archived at the Wayback Machine and Ghostarchive
პორტალი COVID-19 |
პორტალი მედიცინა |
პორტალი ვირუსეფი |