偽旗行動,又叫假旗行動,係種隱蔽行動,指偷用第啲組織嘅旗、制服做手段,誤導公眾以為嗰個行動係由第啲組織執行嘅[1]。
偽旗行動係國家間諜常規活動,民主政治選舉都會有好多義忤仔搞破壞,搞抹黑,當中唔一定全部都係政府機關動員,有部份可能係個人自發。
例子同傳聞
- 1939年8月31號,納粹德國黨衛隊身穿波蘭軍隊制服入侵德國廣播電台並發表反德言論,之後宣稱係波蘭做,而有藉口入侵波蘭[3]。
- 1954年,以色列情報機關發動蘇珊娜行動,試圖通過偽裝成阿拉伯人襲擊埃及境內西方國家人員同建築,以惡化阿拉伯人同歐美國家關係,直至2005年3月以色列官方承認事實[4]。
- 1972年2月24號,美國曼徹斯特聯合導報刊登一封匿名信,封匿名信暗示埃德蒙·馬斯基(1972年美國總統候選人之一)南方競選時好失禮噉將法裔加拿大人叫做「加納克人」,令佢由紐咸西州預選落敗,封信唔知邊個作。
- 2017年4月11號發生2017年多蒙特足球會巴士攻擊,現場發現封信聲稱爾次襲擊係針對德國軍事干預伊斯蘭國造成穆斯林喪生展開報復,重揚言會有更多襲擊,除非德國撤軍同埋美軍關閉拉姆施泰因空軍基地 。而可能由極右派策劃,作為反對多元文化主義作為之一。最尾拉到個男人,涉嫌以爆炸案拖冧多蒙特足球會股價,從而沽空賺取利潤[6]。
睇埋
- 柳條湖事件
- 格萊維茨事件
- 麥尼拉砲擊事件
- 拉馮事件
- 法國反穆斯林爆炸事件
攷
出面網頁