問責制係人事管理上面處罰同獎賞制度嘅安排。負責人就係要對掌管嘅事情盡心負責，出問題就要俾人問責（究問責任），如果確有失誤，就要接受燉冬菇、減人工、炒魷魚、落台之類嘅處罰，以示當責（承當責任）。
有效嘅問責制係可以做到汰弱留強、激發辦事人責任感同使命感。至於問責制出現A字膊、有權冇責、有責冇權、「白貓偷食；黑貓當災」咁嘅唔公平現象，就係當局失敗嘅人事管理。