Pokémon GO
(由寵物小精靈GO跳轉過嚟)
《Pokémon GO》（又譯寵物小精靈GO）係一款流動平台擴張實境遊戲，由任天堂、寵物小精靈公司授權，Niantic, Inc.負責開發同營運，2016年7月喺iOS同埋Android平台上發佈[1]，首先喺澳洲、北美洲同埋歐洲推出。香港喺2016年7月25號推出，係繼日本之後第二個有得玩嘅亞洲地區。
遊戲畀玩家以現實世界為平台，捕捉、戰鬥、訓練同埋交易虛擬寵物小精靈[2]。遊戲係免費發佈，但支援內購[3]。計畫推出嘅重有名為「Pokémon GO Plus」嘅周邊設備，利用藍牙連接手機，如果附近有寵物小精靈會發出通知[2]。
遊戲推出之後隨即受到歡迎，但亦帶嚟玩家揾寵物小精靈嗰時發生意外同埋對人哋造成滋擾嘅問題。另外，即使得三成收益係落任天堂袋，任天堂股價喺7月7號一日內暴漲一成[4]，截至7月14號累積升咗五成[5]。
參考
