惡性通貨膨脹ok3 sing3 tung1 fo3 paang4 zoeng3（英文：hyperinflation），簡稱惡性通脹，係指極快嘅通脹。定義上，如果一個經濟體啲貨品服務嘅價每月升超過 50% 或者每年升超過 1,000% [1]，就可以算係有惡性通脹，例如據報 2017 年嘅委內瑞拉就出現超過 4,000% 嘅通脹率[2]。
惡性通貨膨脹通常都畀人認為唔係好事：如果通脹勁得滯，嚴重起上嚟可以搞到啲人對個經濟體隻貨幣喪失信心，因而唔想再揸住隻貨幣，最後搞到隻貨幣冇人要，例如津巴布韋元（Z$）就係噉[3]。
