抄襲caau1 zaap6（英文：plagiarism）係指一個人攞第個人寫或者講過嘅諗法嚟用，仲要係講到嗰個諗法好似係佢自己原創嘅噉。[未記出處或冇根據]抄襲嘅定義其實邊度都唔同，冇統一標準。
一般嚟講，參考同運用第啲人嘅諗法係冇問題嘅，但响（例如）學術上，想喺自己寫嘅文入面用第啲人嘅諗法就要喺篇文入面註明返話「呢個諗法係由邊個邊個喺邊年邊年講過嘅」，有心唔做呢樣嘢就會俾人當係抄襲；喺現代嘅學術上，抄襲係相當嚴重嘅罪行，一個學者俾人捉到佢抄襲，閒閒哋會冇咗份工[1]。抄襲通常亦都喺冇道德嘅行為。