拉尼娜現象
拉尼娜現象（西班牙文：La Niña）係厄爾尼諾現象嘅相反氣候現象，屬厄爾尼諾南方擺動現象東太平洋降溫嘅階段。西班牙話 La Niña 係細路女、聖女咁解，而佢嘅相反厄爾尼諾嘅西班牙話 El Niño 就即係解細路仔、聖嬰，所以拉尼娜現象又譯做反聖嬰現象。
當發生拉尼娜現象嗰陣，赤道太平洋嗰頭嘅海水會反常咁變得好凍，亦因為咁搞到全球氣溫混亂。呢種現象啱啱同厄爾尼諾現象令全球氣溫變暖相反。拉尼娜現象通常都會跟住厄爾尼諾現象出現，通常出現厄爾尼諾現象之後就會出現拉尼娜現象，而每次出現都會連續兩、三年咁出現[1][2]。
