李文亮
李文亮（1985年10月12號—2020年2月7號）係中國湖北武漢一位眼科醫生，遼寧錦州人。佢2019年12月率先喺武漢發現有多個冠狀病毒感染個案（即係之後畀人叫做武漢肺炎嘅疫情），喺網上群組提醒身邊人小心，結果畀政府話佢造謠，要接受訓誡，到2020年1月中佢醫治病人嗰陣亦都惹到隻病，2月1號確診，2月6號情況變差要搶救，有媒體話佢嗰晚已經救唔返，而醫院就話佢係2月7號2點58分過身suisui。
佢同老婆有個遺腹子，喺2020年6月12號出世[1]。
關聯調查
中國大陸嘅國家監察委喺3月19號，公布咗對李醫生事件嘅調查通報，未有涉及李醫生同埋另7位畀公安訓誡嘅醫生具體遭遇，淨係叫武漢嘅監察部門處理發出咗訓誡紙嘅差所警員[2]。海外NGO「公民力量」就經徵集網民啲意見後，喺跟著嘅3月20日發佈咗認為需問責嘅人士名單[3]：
喺2020年8月27號，問責名單上面有其中一個人──時任武漢市中心醫院黨委書記蔡莉，被革職[4]。