欽廉片
欽廉片(Ham1 Lim4 pin3)係對欽廉地區(屬中華人民共和國廣西、中華民國主張地區廣東)啲粵語方言嘅統稱。欽廉片下低仲可以分成欽州地區白話(舊稱欽州白話[1] )、廉州話、靈山話、小江話、六萬山話等等啲細方言。代表口音有合浦中心城市廉州嘅廉州話同埋欽州城區嘅欽州白話。湛江近合浦嗰埞嘅海話亦都屬於廉州話。
粵語欽廉片 | |
---|---|
Hamlim Jit / Hamlim Jut | |
用嘅國家、地區 | 中國、越南 |
創建時間 | 2013 |
區域 | 欽廉地區、廣寧省、同奈省 |
講嘅人口 | About 3,900,000 |
系屬 | |
語言代碼 | |
ISO 639-1 | 無 |
ISO 639-3 | 無 |
ISO 639-6 (經已唔用) | qnli |
Linguasphere | 79-AAA-mf |
欽廉片喺中國嘅分佈 | |
定義跟界定
自從欽廉片作為整體一片粵語方言而着擺上枱面之後,討論關於同點定義欽廉片跟界定邊啲方言屬於或者冇屬於欽廉片嘅一直都冇停過。最初欽廉片衹係指欽州跟廉州笪埞嘅粵語[2],隻都係學界一直以來嘅普遍認同。但深入研究欽廉片下低具體方言之後,都有好多學者提出支持抑或反對啊種劃分嘅觀點。啲觀點大體係基於語音或者詞彙嘅。
語音
語音上定義或者解構欽廉片大概有以下幾種方式。第一種方式係從歷時角度根據全濁音分派、即中古漢語全濁音在方言中嘅對應,之欽廉片著定義為全濁無論聲調都送氣嘅方言、同吳化片甚至乎客家話類似[3] 。第二種方式係從共時角度根據冇同方言之間音值、音類嘅區分混同程度通過加權平均數比較。按照第一種標準,跟廣府片、高陽片、四邑片等等一樣平送仄冇送嘅[3]欽州白話冇符合隻條件[4];按照第二種標準,欽州白話戥廣州白話音值、音類分混特徵嘅加權平均數分别达到0.52、0.79,超過廉州話戥廣州白話嘅0.27、0.31。[5]基於啊兩種結論,欽州白話反而捱歸為廣府片[4][5]、高陽片
[6]又或者係歸為啲跟廣府片有直承關係、近似廣府片嘅其他分片(譬如「沿江白話片」[7])。除開啊兩種方式,《中國語言地圖集》(第二版)就聲稱欽廉片主要特點為聲調合併到上聲、去聲衹有一類、之參考了廉州話同埋欽州白話嘅聲調特點[8],但靈山話啲舒聲調就冇合併,雖然佢入聲調就類似勾漏粵語貴港話衹有陰入陽入[9]。
詞彙
對於欽州地區白話跟欽廉片嘅關係,亦都有人從相同或者相似詞彙入手。譬如通過比較《兩階核心詞表》當中嘅核心200詞同埋《基本詞彙表》當中嘅1200詞,可以得出欽州白話跟北海白話(同屬欽州地區白話)、廉州話、南寧白話(邕潯片)、廣州白話之間嘅詞彙共通程度(見下),據此支持欽州白話屬於欽廉片嘅觀點。[10]
跟欽州白話…… | 廉州話 | 南寧白話 |
---|---|---|
共同 相同比例 | 48.25% | |
各自 相同多比例 | 15.42% | 14.6% |
各自 相同比例 | 63.67% | 62.85% |
都毋同比例 | 21.67% |
分支
欽廉地區白話
欽廉地區白話,舊統稱「欽州白話」[1],係對一種內部差異冇幾大,散點分佈喺欽廉地區沿江、沿海等某啲政治、商業中心嘅粵語變體嘅統稱。發音上相對接近廣州話多尐[11],更加接近鄰近地區啲同樣屬於市鎮白話嘅粵語變體,譬如湛江白話、南寧白話、高州白話、茂名白話等等。具體分佈喺欽州城區同埋附近鄉鎮、防城城區、東興、靈山縣城與及下轄墟鎮似武利等、浦北縣城小江(戥小江話並存)、北海城區同埋鐵山港區等埞。各個口音之間啲音韻、詞彙都有相似又有冇同。
廉州話
靈山話
小江話/浦北話
六萬山話
新立話
總體音系
總體嚟講,欽廉片啲方言多多少少有以下特點[12][13] [4][14][15] [16][17]:
例字 | 廣州話 | 欽廉地區白話 | 廉州話 | 新立話 | 靈山話 | 小江話 | 類似方言 | |
---|---|---|---|---|---|---|---|---|
古全濁聲母送氣(主要特徵) | 大 | (去入冇送) daai6 | (去入冇送) daai6 | taai6 | taai6 | taai6 | taai6 | 吳川、 |
有邊擦音 多爲心母 | 思 | si1 | sli1 | sli1 | slai1 | slooi1 slei1(陸屋) | slooi1 slei1(福旺) | 高陽、南寧、 勾漏、台山等 |
有脷面前鼻音 多爲日母同埋疑母細音 | 人 | jan4 | njan4 | njan3 | njan4 | njan4 | njan4 | 高陽、 勾漏等 |
冇撮口呼 遇三合讀後或中後元音(特徵) | 居 | geoi1 | (歸齊齒) gi1(欽、防) gei1(靈、北) | gu1 | gui1 | gu1 gui1(陸屋) | geau1 | 高陽、四邑、 客家話等 |
獨立桓韻,對應山一合 | 鑽 | (冇有獨立桓韻) zyun3 | (冇有獨立桓韻) zin3 | (冇有獨立桓韻) zun3 | zun3 | zun3 | (資料暫缺) | |
轉 | zin3 | zin3 | (資料暫缺) | |||||
臻三合部份字歸桓韻 | 純 | seon4 | slin4 | slun3 | slun4 | san4 | suean4 | |
旬 | ceon4 | slin4(欽、防) can4(欽、防、北) | slun3[12][5] | slun4 | can4 | suean4 | ||
巡 | ceon4 | can4 | slun3[5] | can4 | can4 | (資料暫缺) | ||
迅 | seon3 | slan3 | slun3[5] slan3 | slan3 | slan3 | (資料暫缺) | ||
遵 | zeon1 | zin1 | zun1 | (資料暫缺) | zun1 | zuean1 | ||
樽 | zeon1 | zin1(欽、防、北)zan1(欽、防) | zun1 | zon1 | zun1 | (資料暫缺) | ||
見組細音有啲字冇顎化 | 欽 | jam1 | ham1 | ham1 | ham1 | ham1 | ham1 | 高陽 |
嫌 | jim4 | him4 | him3 | him4 | him4 | him4 | ||
曾韻-(耕庚文讀)、 唐開-江韻、 陽韻、 耕庚韻主元音不圓脣, 幫組宕-宕合-擦音江韻圓脣。 | 縆(耿) | gang1 | gang1 | gaeng1 | gang1 | gang1 | (資料暫缺) | 桂南平話 部份勾漏 |
剛江 | gong1 | gong1 | gaang1 | gaang1 | gaang1 | |||
姜 | goeng1 | goeng1(欽、防) geng1(靈、北) | ging1 | giaang1 (陽:jang4) | giaang1 | gang1 | ||
耕 | gaang1 | gaang1 | geeng1 | (資料暫缺) | ||||
光 | gwong1 | gong1 | gong1 | gung1 | gvong1 | goong1 |
- ea表示[ə]。
- 暗色表示冇符合描述。
- 白話新派宕合有gwong、kwong、gwok、kwok。