直譯器（英文：interpreter）係一種電腦程式，能夠將程式語言直接執行而唔使事先特登經過編譯。
直譯嘅單位未必係行。例如有啲好似 PostScript 咁嘅語言，直譯嘅單位可能係類似字嘅嘢（token，台譯符記）。
雖然話直譯就唔使事先編譯，但係唔表示直譯就一定唔涉及編譯。有啲直譯器會喺直譯嘅過程中真係譯咗啲嘢出來，仲會記住，呢種直譯器叫做即時編譯器（just-in-time compiler）；另外有一啲直譯器（例如 Perl），會喺執行之前先將程式編譯成一種唔係機械語言嘅代碼，然後再直譯譯咗出來嘅代碼。