羊毛

早喺六千年前人類就已經開始用羊毛來織衫。考古人員曾經喺中東一帶發現遺址，證明六千年前中東人已開始用羊毛做衫嘅原料^[1]。喺古羅馬時代，羊毛已開始應用於歐洲，同麻布、皮革一樣，係主要紡織原料^[2]。

喺中世紀之後，英國由於有較發達嘅牧羊業，成為羊毛嘅主要產地。到咗由十九世紀，英國殖民大洋洲，令大洋洲國家，例如澳洲、新西蘭，成為羊毛嘅主要輸出國。

優點

羊毛本身係一種容易捲曲嘅物料。佢嘅優點係柔軟，纖維之間互相緊扣，作成一團，能夠產生出保溫嘅功效。羊毛通常都係白色。雖然可以染色，不過亦有個別種類嘅羊毛係自然嘅黑色、啡色等。

羊毛本身具備吸水性，能夠吸收相當於佢重量三分之一嘅水分^[3]。由於咁樣，羊毛本身亦唔易被燃燒，具有防火嘅功效^[4]。

羊毛本身係抗靜電。係因為羊毛屬有機物質，裏面本有濕氣，因此醫學界一般認為羊毛並唔太剌激皮膚^[5]。

缺點

即使係噉，羊毛亦有如下缺點：

• 冇處理過會易變形。
• 易引起蟲蛀（羊毛係有機物質）。
• 存放太耐會發黃。
• 易起毛粒。

目前世界羊毛主要出口國有澳洲、新西蘭以至南美洲國家，例如阿根廷。