黑體
喺熱力學入面，黑體（粵拼：hak1 tai2，英文：Black body），係一個理想化嘅物體，佢可以吸收外來冚唪唥嘅電磁輻射，但係乜嘢反射同透射都冇。隨住溫度上升，黑體所輻射出嚟嘅電磁波同光線就嗌黑體輻射（粵拼：hak1 tai2 fuk1 se6）[1]。呢個名詞係喺1862年由古斯塔夫基荷夫所提出。
特性
處於熱平衡狀態嘅理想黑體有兩個主要特性：
- 佢係一種理想嘅發射器：喺每個頻率底下，佢都會發射同相同溫度底下嘅任何物體一樣多或者再多啲嘅熱輻射能量。
- 佢係一種漫射發射器：喺垂直於方向嘅單位面積上量度，能量係各向同性噉輻射嘅，同方向冇啦掕。