Salvadoriaanse nasionale sokkerspan

	El Salvador
Volle naam	Selección de fútbol de El Salvador
Bynaam/me	La Selecta; La Selecta Cuscatleca; La Azul y Blanco
Tuisveld	Estadio Cuscatlán, San Salvador
Kapasiteit	53 400
Voorsitter	Albert Roca
Afrigter	Darwin Ceren
Liga	CONCACAF

	Tuiskleure

	Wegkleure

Die Salvadoriaanse nasionale sokkerspan (Spaans: Selección de fútbol de El Salvador), ook die Salvadoriaanse elftal genoem, is die manssokkerspan wat El Salvador in internasionale kompetisies verteenwoordig. In 1899 speel die spanne van Santa Ana en San Salvador vir die eerste keer teen mekaar in 'n sokkerwedstryd met El Salvador as gasheer. El Salvador se nasionale sokkerspan se eerste wedstryd was in September 1921, toe hulle uitgenooi is om deel te neem aan 'n toernooi om die 100 jaar van Sentraal-Amerikaanse onafhanklikheid te vier.

El Salvador het aan twee FIFA-Wêreldbeker eindtoernooie deelgeneem: eers in 1970 en weer in 1982, maar kon nog nooit verder as die eerste groepstadium van 'n eindtoernooi vorder nie. In 1943 word hulle CCCF-kampioene, en eindig in die tweede plek in die 1941- en 1961-kampioenskappe. Hulle het dertien keer meegeding in CONCACAF streeks-toernooie en eindig as naaswenners in 1963 en 1981. La Selecta ding ook mee in die tweejaarlikse UNCAF Nasies-sokkertoernooi, die Pan-Amerikaanse Spele en die Olimpiese Spele. Die span het reeds twee goue medaljes in die Sentraal-Amerikaanse en Karibiese Spele behaal.

Die Estadio Cuscatlan, ook bekend as "El Toledo Die Montserrat" of "La Catedral del espectaculo", is die amptelike stadion van die El Salvador nasionale sokkerspan met 'n kapasiteit van 52.000 sitplekke. Sedert 2008, het die nasionale span 'n uitrusting borgskap-kontrak met die Engelse verskaffer Mitre. Raúl Díaz Arce is die top-puntemaker met 39 doele, terwyl Leonel Cárcamo die rekord hou vir die mees gekose Salvadoriaanse speler met 84 wedstryde. Die El Salvador nasionale sokkerspan het in totaal al 41 spanbestuurders gehad en tans is die hoofafrigter Ruben Israel.

Meeste verskynings

#	Naam	Loopbaan	Kere uitgedraf
1	Leonel Cárcamo	1988–2000	84
2	Marvin González	2002–	83
3	Rudis Corrales	1999–	77
4	Guillermo Rivera	1988–2002	74
5	Alfredo Pacheco	2002–	73
6	Raúl Díaz Arce	1987–2003	68
6	Mauricio Cienfuegos	1987–2003	68
8	Ramón Sánchez	2001–	67
9	Ronald Cerritos	1995–2008	66
10	Jorge Rodríguez	1994–2005	65

Top puntemakers

#	Naam	Loopbaan	Doele
1	Raúl Díaz Arce	1991–2000	39
2	José María Rivas	1979–1989	22
3	Jorge González	1976–1998	21
4	Luis Ramírez Zapata	1971–1989	17
4	Rudis Corrales	1999–	17
6	Miguel Cruz	1935–1943	16
6	Norberto Huezo	1973–1987	16
8	Eliseo Quintanilla	2007–	15
9	Juan Francisco Barraza	1953–1969	13
9	Ever Hernández	1976–1985	13