S öffentlige Rächt
S öffentlige Rächt in Civil-law-Länder isch dä Däil vo dr Rächtsornig, wo s Verheltnis zwüsche Drääger vo dr öffentlige Gwalt (em Staat) und äinzelne Brivaaträchtssubjekt (de Bürger) reeglet. Im Underschiid drzue reeglet s Brivaaträcht die rächtlige Beziejige zwüschen Brivaträchtssubjekt. S öffentlige Rächt umfasst au die rächtlige Beziejige vo de Verwaltigsdrääger underenander und s Staatsorganisazioonsrächt, wo d Organisazioon und Funkzioon vom Staat betriff, wie zum Bispils d Zueständikäit vo de äinzelne Behörde und Gericht oder Reeglige über s Dienstverheltnis vo de Beamte.
Abgränzig zum Brivaaträcht
Wo d Gränze zwüschen em öffentlige Rächt und em Brivaaträcht verlauft, isch strittig, aber wemm mä frogt, weele Rächtswääg bi Rächtsstrittikäite muess brucht wärde, gseet mä as mä in dr Braxis en Abgränzig brucht. Z Dütschland folgt mä in däm dr modifizierte Subjektstheorii, in dr Schwiz dr modifizierte Funkzioonstheorii. S Schwizer Bundesgricht het s aber abgleent, äinere Methoode dr Vorzug z gee.[1]
Kwelle
Liddratuur
- Kai-Uwe Kock, Richard Stüwe, Hans-Michael Wolffgang, Heiko Zimmermann: Öffentliches Recht und Europarecht. 3. Uflaag. nwb, Herne 2004, ISBN 3-482-48343-4.
- Michael Stolleis: Geschichte des öffentlichen Rechts in Deutschland. 4 Bänd, Münche 1988–2012.
Weblingg
Öffentliches Recht im dütschsprochige Wikisource
Wikibooks: Öffentliches Recht im 2. Staatsexamen — Lern- und Lehrmaterialie
Fuessnoote
 | Bitte gib au Achtig uf dr Hiwis zue Rechtstheme! |