Riiss
D Riiss (italienisch Toce, lombardisch Tuss, piemontesisch und dütsch Tosa) isch de 76 km langi Hoptfluss vom Eschetal i de italienische Provinz Piemont.
| Riiss, Toce | ||
 de Verlauf vo de Riiss / vom Toce | ||
| Date | ||
|---|---|---|
| Laag | Norditalien | |
| Flusssystem | Po | |
| Abfluss über | Lago Maggiore → Tessin → Po → Mittelmeer | |
| Quelle | i de Nöchi vom Griesspass , 8° 22′ 12,4″ O | |
| Quellhöchi | 1.720 m | |
| Mündig | i de Lago Maggiore bi Fondotoce45° 56′ 11″ N, 8° 29′ 36″ O , 8° 29′ 36″ O | |
| Mündigshöchi | 193 m | |
| Höchiunterschiid | 1527 m | |
| Lengi | 76 km
| |
| Rächti Nääbeflüss | Strona | |
 d Riiss zwüsche Premia und Crodo | ||
Name
Dr alemannisch Name Riiss chunt vo de Walser, wo sid em Middelalter im obere Deil vom Taal i de Dörfer vo dr Gmeind Pumatt und z Saley, z Ager, z Urnafasch und z Opsu gwoont händ.
Geografii
D Riiss entstoot underhalb vom Griesspass us de beide Quellbech Rio del Gries und Rio del Sabbione. De jungi Bergbach flüsst zerscht dur s Morascotaal, won er s Wasser vom Ronibach ufnimmt, wo vom San Giacomopass heerchunt, und stürzt bi Frütt (ital. La Frua) is Tal vo Pumatt (ital. Val Formazza) abe.
Di wichtigste Nebeflüss sind de Deverobach, wo vom Albrunpass abeflüsst, de Chrummbach (ital. Diveria), wo us der Schwiiz, vom Simplon her chunt, d Visp (ital. Anza) usem Vispertal, d Strünnu (ital. Strona) usem Strönertal, de Isornobach us em Isornotaal und de Melezzobach us em Vigezztaal. Di wichtigste Ortschafte sind Tüem (ital. Domodossola) und Ornavasso. D Riis mündet bi Fondotoce, zwüsche Baveno und Verbania, in Langesee.
Wasserchraft
A dr Riiss het di iteliänischi Stromgsellschaft Enel es baar Wasserchraftwärch bout.[1]
Weblink
Commons: Toce - Riiss – Sammlig vo Multimediadateie