Twann-Tüscherz
Twann-Tüscherz isch e politischi Gmeind im Verwautigschreis Biel/Bienne im Kanton Bärn, Schwyz.
Twann-Tüscherz | |
---|---|
Basisdate | |
Staat: | Schwiiz |
Kanton: | Bärn (BE) |
Verwautigschreis: | Biel/Bienne |
BFS-Nr.: | 0756 |
Poschtleitzahl: | 2558 |
Koordinate: | / 21600547° 5′ 41″ N, 7° 9′ 22″ O; CH1903: 578557 / 216005 |
Höchi: | 434 m ü. M. |
Flächi: | 12.4 km² |
Iiwohner: | 1193 (31. Dezämber 2022)[1] |
Website: | www.twann-tüscherz.ch |
Twann mit St. Petersinsle | |
Charte | |
D Gmeind isch im Jahr 2010 entstange dur d Fusion vo de Gmeinde Twann u Tüscherz-Aufermee (amtlich Tüscherz-Alfermée). Bis zum 31. Dezämber 2009 hei d Gmeinde zum Bezirk Nidou ghört.
Geografi
Twann-Tüscherz ligt am linke Stade vom Bielersee. Di ehmalig Gmeind Twann umfasst d Räbdörfer Twann (frz. Douanne, frp. [dwaɲ / duɘn / dwɘnː]), Chliitwann u Wingreis, d Sidlige Gaicht (676 m) u Twannberg (868 m) uf Terrassen am Jura u d Sankt Petersinsle. Di ehmalig Gmeind Tüscherz-Aufermee bsteit us dr Räbdörfer Tüscherz (frz. Daucher, frp. [doˈtʃiːɘ]) un Aufermee (ou Alffermee, Hälffermee, frz. Alfermée, frp. [alfermeː]).
D Gmeindsflächi bsteit us 23,1 % langwirtschaftlecher Flächi, 66,6 % Waud, 7 % Sidligsflächi u 3,2 % süschtigi Flächi.[2]
Gschicht
Twann isch zum erschte Mal gnennt worde im Jahr 1136 Tuana (1140 Tuanna, 1185 Duana), Tüscherz um 1230 aus Tusschiers (1267 Tuschers), Alfermée im Jahr 276 aus Alphermme.
Ywohner
Quäuue: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Twann | 865 | 981 | 958 | 976 | 872 | 854 | 748 | 845 |
Tüscherz-Aufermee | 262 | 332 | 292 | 385 | 326 | 309 | 265 | 299 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Twann | 794 | 735 | 886 | 879 | 847 | 768 | 810 | 865 |
Tüscherz-Aufermee | 284 | 248 | 304 | 374 | 317 | 295 | 271 | 283 |
Dr Uusländeraateil isch 2010 bi 8,5 % gläge.[2]
Religion
67,8 % vo de Ywohner in dr Gmeinde Twann u Tüscherz-Aufermee si evangelisch-reformiert, 14,8 % si römisch-katholisch (Stang 2000).[2]
Politik
Bi de Nationauraatswahle 2011 het s das Ergebnis ggää:[2] BDP 17,7 %, CVP 1,2 %, EVP 1,4 %, FDP 14,8 %. GLP 7,2 %, GP 7,3 %, SP 21,4 %, SVP 25,7 %, Suschtigi 3,3 %.
Gmeindspresidäntin vo Twann-Tüscherz isch d Margrit Bohnenblust (Stang 2013).
Wirtschaft
D Arbetslosigkeit isch im Jahr 2011 bi 1,8 % gläge.[2]
Sprach u Dialäkt
Bir Vouchszeuuig 2000 hei vo de insgsamt 1139 Ywohner in dr Gmeinde Twann u Tüscherz-Aufermee 87 % Dütsch aus Houptsprach aaggää, 6,9 % Französisch u 0,6 % Italienisch.[2]
Dr Dialäkt vo Twann-Tüscherz ghört zum Hochalemannisch.
Biuder
- Chiuche u Schueu vo Twann
- Dorfgass
- am Bahnhof
Literatur
- Andres Moser, Die Kunstdenkmäler des Kantons Bern, Landband III: Der Amtsbezirk Nidau 2. Teil, 2005, ISBN 3-906131-80-7 (PDF;6,2 MB)