Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Mariya Xarápova
Mariya Xarápova en o Máster d'Indian Wells de 2006
Sus pais, d'orichen belarruso, emigroron ta Rusia en 1986 per miedo que la suya filla, que yera ta naixer, patise bel trestuque zaga l'accident nucleyar de Chernóbil, que se desvinió a 300 km de casa d'élls.
A los tres anyos, Xarápova mudó con a suya familia t'os banyos de Sochi, an que emprencipió a chugar a tenis con una raqueta que yera estato un present d'o pai de Yevguéniy Kafiélnikov.
En 1993, en un torneyo a Moscú, Xarápova fue vista per Martina Navratilova, qui de contino convenció su pai, Yuri Xarápov, de fer casamuda ent'os Estaus Unius, ta que Mariya teniés un millor entrenamiento. Tres anyos dimpués, a los nueu anyos, Xarápova ingresaba a l'academia de tenis de Nick Bollettieri, a Bradenton, en o estato de Florida.
En 2004, Xarápova se tornó la tenista mes choven dimpués de Martina Hingis a ganar lo torneyo individual femenino de Wimbledon, en vencer en dos sets prou amplos la bicampiona y esfensora d'o títol Serena Williams. Tamién se convertió en la sola esportista rusa en a historia a ganar ixe important torneyo.
Dintro y difuera d'a pista, Mariya Xarápova ye admirata per la suya belleza y proporcions, y ixo li ha permeso conseguir bels premios y estar model publicitaria en diversas ocasions.
Nyagan, Siberia
.svg){kind=small}
