Meridianu de Greenwich

El meridianu de Greenwich, Primer Meridianu o Meridianu Cero ye'l semicírculu imaxinariu que xune los Polos y pasa per Greenwich, ('grinn-itch'), en concretu pol sol observatoriu astronómicu. Ye'l meridianu de referencia que tien llonxitú 0º, y dende'l que se faen les midíes haza tolos demás. El so opuestu (180°), o seya'l semicírculu que lu completa, ye nomáu Llinia internacional de cambéu de fecha, y pasa pol Océanu Pacíficu.

Meridianu de Greenwich
primer meridiano (es)
Llocalización
Coordenaes	51°28′40″N 0°00′05″W / 51.477811111111°N 0.001475°O / 51.477811111111; -0.001475
Meridianu de Greenwich Meridianu de Greenwich (Reinu Xuníu)

Empobinando dica'l sur dende Polu Norte'l meridianu trespasa los vinientes países: Gran Bretaña, Francia, España, Arxelia, Malí, Burkina Fasu, Togu, Ghana y L'Antártida nel Polu Sur

Esti meridianu, adoutóse comu referente nuna conferencia internacional celebrada en 1884 en Washington, a la que foron delegaos de 25 países, aceutando ya fixando los vinientes acuerdos:

• Fixar un únicu meridianu de referencia que sustituya los numberosos esistentes.
• El meridianu qu'atraviesa l'Observatoriu de Greenwich nomaráse Meridianu inicial.
• Les llonxitúes alrodiu del globu al Este y Oeste tomaránse hasta los 180° dende el meridianu inicial.
• Tolos países adoutarán el día Universal.
• El día Universal entama en metanuechi (hora solar) en Greenwich, y tendrá una duración de 24 hores.
• Los díes náuticos y astronómicos entamarán tamién en metanuechi.
• Promoveránse tolos estudios téunicos pa la regulación ya difusión de l'aplicación del sistema métricu decimal a la división del tiempu ya l'espaciu.

Per cada 15 graos, tenemos un fusu horariu. Llóxicamente hai un total de 24 (24 Fusos x 15º = 360°) El tamañu dalgunos países fai que tengan varios fusos horarios, y en delles vegaes la llinia de fusu adáutase a la xeografía, polo que nun coinciden colos meridianos.