Orlando (Florida)

Orlando ye una ciudá del estáu d'Estaos Xuníos de Florida. Allugada na Florida Central, tien 270.934 habitantes, y ye centru del área metropolitana homónima, na que vivíen en marzu de 2016 2.387.138 persones, que faen d'ella la 24ª mayor^[3] del país, la sesta nel Sur y la tercera nel estáu.

Orlando
flag of Orlando, Florida (en)
Alministración
País	Estaos Xuníos
Estaos	Florida
Condáu	condáu d'Orange
Tipu d'entidá	ciudá de los Estaos Xuníos
Mayor of Orlando, Florida (en)	Buddy Dyer
Nome oficial	City of Orlando (en)
Nomatu	The City Beautiful (en) O-Town (en)[1] Theme Park Capital of the World (en)[2]
Códigu postal	32825
Xeografía
Coordenaes	28°32′01″N 81°23′12″W / 28.5336°N 81.3867°O / 28.5336; -81.3867
Orlando Orlando (los EE.XX.)
Superficie	308.41 km²
Altitú	34 m
Llenda con	Eatonville (es) y Winter Park (es)
Demografía
Población	307 573 hab. (1r abril 2020)
Porcentaxe	100% de condáu d'Orange 1.43% de Florida 0.09% de Estaos Xuníos
Densidá	997,29 hab/km²
Viviendes	113 238 (31 avientu 2020)
Más información
Fundación	31 xunetu 1875 (Xulianu)
Prefixu telefónicu	321 y 407
Estaya horaria	UTC−05:00
Llocalidaes hermaniaes	Belén, Volgográu, Curitiba, Vientián, Cali, Kiryat Motzkin, Reykjanesbær, Guilin, Monterrey, Oremburgu, Sena y Marne (es) , Tainan, Urayasu y Valladolid
cityoforlando.net

La ciudá tien l'alcuñu de The City Beautiful (La Ciudá Bonita), magar que ye conocida tamién informalmente como The Theme Park Capital of the World (Capital Mundial de los Parques Temáticos). Estos atraxeron a la ciudá, en 2016, a más de 68 millones de visitantes^[4]. Munchos aportaron a ella al traviés del so aeropuertu internacional, el 13ᵘ con más movimientu de pasaxeros del país y el 29ᵘ del mundu^[5].

Los parques temáticos son el corazón de la so industria turística. Los dos principales son el Walt Disney World, abiertu por The Walt Disney Company en 1971 en Bay Lake, unos 34 km al suroeste del centru de la ciudá; y el Universal Orlando Resort, abiertu en 1999 como una espansión del antiguu parque Universal Studios Florida. Toles principales atraiciones turístiques de la ciudá, sacante Walt Disney World, alineense a lo llargo l'International Drive, nel que s'alcuentra tamién el Orlando Eye, una noria xigante de 122 m d'altor. La ciudá ye, tamién, ún de los principales destinos del país pa organizar congresos y convenciones, y nella ta'l campus de la Universidá de Florida Central, el mayor de los Estaos Xuníos en númberu d'alumnos en 2015. Orlando ye una ciudá Gamma - nel llistáu de ciudaes globales del WaGC^[6].