Мытня
Мы́тня — дзяржаўны орган перамяшчэньня празь мяжу краіны тавараў, багажу і паштовых адпраўленьняў.
Дзяржаўны мытны камітэт Беларусі стварае, пераўтварае і зачыняе мытні. Да ўваходу ў 2010 годзе ў Мытны зьвяз ЭАЭЗ дзейнічаў Мытны кодэкс Рэспублікі Беларусь, які вызначаў абавязкі і правы мытнікаў. Прэзыдэнт Беларусі зацьвярджае Палажэньне аб парадку і ўмовах праходжаньня службы на мытні. У Вялікім Княстве Літоўскім мытня месьцілася ў каморы. Мыта (цло) зьбіралі з купцоў за правоз тавараў празь мяжу і па землях ВКЛ[1].
Беларусь
На 2013 год у Беларусі дзейнічалі абласныя мытні. У пункце мытнага кантролю месьціліся склад, гасьцініца, кавярня, мыйка для грузавікоў, стаянка, пажарнае дэпо і кантрольна-прапускны пункт. У Менскай рэгіянальнай мытні, якая знаходзілася ў Шчытаміравічах (Менскі раён), штодня афармлялі да 1500 мытных дэклярацыяў. Чыгуначная пляцоўка магла разьмясьціць да 156 кантэйнэраў, а стаянка — да 140 грузавікоў. Гасьцініца мела 20 нумароў з ваннай і па 2 ложкі ў кожным нумары. Пераночыць у ёй каштавала 300 000 рублёў (33,44 даляры ЗША)[2].
Крыніцы
 | Гэта — накід артыкула пра ўрад. Вы можаце дапамагчы Вікіпэдыі, пашырыўшы яго. |