Мільтыяд (папа рымскі)
Сьвяты Мільтыяд (лац. Mіltіades; ? — 11 студзеня 314, Рым, Рымская імпэрыя) — 32-і папа Рымскі (2 ліпеня 311 — 11 студзеня 314).
| Mіltіades | |
 Мільтыяд, Папа Рымскі | |
| Пачатак папства | 2 ліпеня 311 |
|---|---|
| Канец папства | 11 студзеня 314 |
| Папярэднік | Эўсэбіюш |
| Наступнік | Сыльвэстар I |
| Асабістыя зьвесткі | |
| Нарадзіўся | ? |
| Памёр | 11 студзеня 314 |
| Дэнамінацыя | Каталіцкая царква[3] |
| Заняткі | клерык, каталіцкі сьвятар |
| Дзень памяці | 10 сьнежня |
Паходжаньне
Згодна з Lіber Pontіfіcalіs, Мільтыяд нарадзіўся ў Афрыцы й, магчыма, паходзіў зь Берберы[4], хоць Рычард П. Макбраэн сьцьвярджае, што ён быў рымлянінам[5].
Пантыфікат
Стаў Папам Рымскім пасьля больш доўгага пэрыяду Sede vacante пасьля сьмерці папы Эўсэбія.
У кастрычніку 312 году Канстантын І перамог Максенцыя й узяў пад кантролю Рым і перадаў Папе Латэранскі палац, які з таго часу стаў папскай рэзыдэнцыяй.
Падчас пантыфікату Мільтыяда, ў 313 г., тэтрархі Канстантын і Ліцыній выдалі Мілянскі эдыкт, які дазваляў вызнаньне хрысьціянства й абвяшчаў вяртаньне царкоўнай маёмасьці. У 313 годзе Мельхіяд старшынстваваў на Латэранскім сынодзе, які апраўдаў біскупа Картагена Цэцыліяна па абвінавачваньнях Даната. Апошні лічыў, што Цэцыліян ня можа быць прызнаны біскупам, бо сярод тых, хто яго пасьвячаў, была асоба, вінаватая ў выданьні сьвятых кніг. На гэтым жа сынодзе Данат быў прызнаны ерэтыком. Потым Мільтыяд быў запрошаны на Сабор у Арле, але памёр да яго правядзеньня. Памёр у Рыме.
Ушанаваньне
У XІІІ стагодзьдзі сьвята сьв. Мільтыяда (як яго тады называлі) было ўключана з памылковай фармулёўкай «пакутнік» у «Асноўны рымскі каляндар», які адзначаўся 10 сьнежня. У 1969 годзе ён быў выключаны зь ліку абавязковых сьвятаў[6] і яго сьвята перанесены на дзень яго сьмерці - 10 студзеня, а яго імя стала пазначацца як «Мільтыяд» без фармулёўкі «пакутнік»[7].