Перапіс насельніцтва ЗША

Артыкул 1 Канстытуцыі Злучаных Штатаў прадугледжвае, што перапіс насельніцтва павінен праходзіць не радзей аднаго разу ў дзесяць гадоў.^[1] Ад гэтага залежыць колькасьць мандатаў ад кожнага штату ў Палаце прадстаўнікоў і ў Калегіі выбаршчыкаў. Перапіс ажыцяўляецца кожныя 10 гадоў у гадах, якія сканчаюцца нулём (2000, 2010), і завецца «дзесяцігадовым». Разьдзел 13 Кодэксу Злучаных Штатаў апісвае працэдуру правядзеньня перапісу і апрацоўкі зьвестак.^[2]

Першы перапіс быў праведзены ў 1790 годзе пры Томасе Джэфэрсане.

З 1790 да 1840 гадоў перапіс праводзіўся сіламі шэрыфаў. З 1840 году ўзьнік цэнтральны офіс перапісу, які дзейнічаў толькі падчас дзесяцігадовага перапісу. У 1890 годзе ўпершыню пры перапісе выкарыстоўвалі электрычную табуляцыйную машыну Гэрмана Голерыта для апрацоўкі вынікаў.

• 1790 — 3 929 214,
• 1800 — 5 236 631,
• 1810 — 7 239 881,
• 1820 — 9 638 453,
• 1830 — 12 866 020,
• 1840 — 17 069 453,
• 1850 — 23 191 876,
• 1860 — 31 443 321,
• 1870 — 38 558 371,
• 1880 — 49 371 340,
• 1890 — 62 979 766,
• 1900 — 76 212 168,
• 1910 — 92 228 496,
• 1920 — 106 021 537,
• 1930 — 123 202 624,
• 1940 — 132 164 569,
• 1950 — 151 325 798,
• 1960 — 179 323 175,
• 1970 — 203 211 926,
• 1980 — 226 545 805,
• 1990 — 248 709 873,
• 2000 — 281 421 906,
• 2010 — 308 745 538.^[3]

Пасьля правядзеньня перапісу публікуюцца абагульненыя статыстычныя вынікі, якія ня ўтрымліваюць пэрсанальных зьвестак грамадзян. Праз 72 гады пасьля перапісу закон дазваляе публікаваць поўную інфармацыю, атрыманую ў выніку перапісу.

2 красавіка 2012 году на сайце Нацыянальнага архіва ЗША выкладзены амаль 4 мільёны адсканаваных копіяў апытальных лістоў перапісу насельніцтва ЗША 1940 году, якія ўтрымліваюць інфармацыю аб 132,2 мільёна тагачасных амэрыканцаў.^[4]