Барыс Андрэевіч Кожыхаў
Барыс Андрэевіч Кожыхаў (7 ліпеня 1932, Свярдлоўск) — беларускі архітэктар.
| Барыс Андрэевіч Кожыхаў | |
|---|---|
| Дата нараджэння | 7 ліпеня 1932 (91 год) |
| Месца нараджэння | |
| Альма-матар | |
| Месца працы | |
| Член у | |
| Узнагароды |  |
Біяграфія
Скончыў Уральскі політэхнічны інстытут у 1956 годзе. З 1956 па 1970 г. працаваў архітэктарам, галоўным архітэктарам ва Уральскім філіяле Іпрамашпрама ў Златавусце. З 1970 года — галоўны архітэктар аддзела ў Саюзмашпраекце, аб’яднанні БелОМА, будаўнічага аддзела ў Белдзіпрабіясінтэзе, з 1976 года — галоўны архітэктар праектаў у Аўтарампрампраекце ў Мінску.
Член Саюза архітэктараў СССР з 1971 года. Пражывае ў Мінску.
Творчасць
Ім быў запраектаваны комплекс будынкаў НДІ ў Іжэўску (1965), шэраг вытворчых карпусоў (1970), заводакіраўніцтва машынабудаўнічага завода (1971), Дом Саветаў (1973) у Златавусце.
Асноўныя працы ў Беларусі (у аўтарскім калектыве): завод бялкова-вітамінавых канцэнтратаў у Наваполацку (1975), станцыя аўтатэхабслугоўвання з адміністрацыйна-бытавым блокам па вул. Купрыянава ў Мінску (1980), вытворчыя будынкі, станцыі аўтатэхабслугоўвання і іншыя прамысловыя аб’екты Мінаўтапрама СССР у розных гарадах краіны.
Узнагароды
Узнагароджаны ордэнам «Знак Пашаны» (1969).
Зноскі
Літаратура
- Кожихов Борис Андреевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)