Замах на Роберта Фіца
15 мая 2024 года пасля выязнога пасяджэння ўрада ў горадзе Гандлава[1] быў здзейснены замах на Прэм’ер-міністра Славакіі Роберта Фіца. Ён быў шпіталізаваны з некалькімі агнястрэльнымі раненнямі[2][3]. Нападнік Юрай Цінтула быў затрыманы на месцы.
Замах
Страляніна адбылася каля Дома культуры ў горадзе Гандлава, дзе праходзіла ўрадавая дыскусія. У момант замаху Роберт Фіца прамаўляў прамову перад прысутнымі людзьмі[4]. Калі пачалася стральба, трое іншых міністраў пакінулі месца здарэння[5].
Па даных мясцовай тэлекампаніі TA3, былі здзейснены чатыры стрэлы: адзін трапіў у жывот, а іншыя — у галаву і грудзі[6][7][8].
Стан прэм’ера ацэнены як цяжкі[9]. Па даных Standard, у яго адбылося кровазліццё ў брушной поласці[10]. Каля 19:40 па мясцовым часе стан Фіцы пасля аперацыі стабілізаваўся[11].
Меркаванага нападніка схапілі некалькі чалавек, а паліцыя ачапіла тэрыторыю[12][13]. Ім аказаўся 71-гадовы пісьменнік Юрай Цынтула[14][15]. Паводле інфармацыі TA3, нападнік здзейсніў замах па палітычных матывах[16]. Юрай Цынтула быў незадаволены тым, што прэм’ер аслабіў антыкарупцыйнае заканадаўства, і тым, што ён апраўдвае ўварванне Расіі ва Украіну[17].
Рэакцыя
Прэзідэнт Расіі Уладзімір Пуцін[18], Прэзідэнт Турцыі Рэджэп Таіп Эрдаган[19], Прэзідэнт Украіны Уладзімір Зяленскі[20], Канцлел ФРГ Олаф Шольц[21] асудзілі замах.