Бой за базу агнявой падтрымкі «Голд» (таксама вядома як бой пры Суоі-Чэ) — узброенае сутыкненне паміж сіламі ЗША і В’етконгам, што адбылося ў сакавіку 1967 года падчас вайны ў В’етнаме.
У сакавіку 1967 года амерыканскія войскі праводзілі ў правінцыі Тэйнінь аперацыю «Junction City», найбуйнейшую з пачатку вайны. Для аказання пяхоце артылерыйскай падтрымкі будаваліся спецыяльныя ўмацаваныя базы, дзе артылерыя была добра абаронена ад нападаў сіл В’етконга. Адной з іх была база агнявой падтрымкі «Голд».
Раніцай 21 сакавіка база, на якой у той момант знаходзілася каля 450 амерыканскіх салдат, падвергнулася моцнаму абстрэлу, за якім рушыла ўслед наземная атака палка В’етконга колькасцю каля 2500 чалавек. Бой працягваўся з 6 гадзін 30 хвілін да 10 гадзін 45 хвілін. В’етконгаўцам, якія ішлі ў атаку «людской хваляй», удалося прарваць першую лінію абароны базы, справа нават дайшла да рукапашных сутычак. У амерыканцаў заканчваліся боепрыпасы, калі ім на дапамогу прыбыло танкавае падраздзяленне, якое дыслакавалася за некалькі кіламетраў ад базы. Танкі пачалі наносіць надыходзячым вялікія страты, у выніку чаго в’етконгаўцы спынілі атаку і сталі дэзарганізавана адступаць. База засталася ў руках амерыканцаў.
Бой быў вельмі кровапралітным — загінулі 31 амерыканец і 647 в’етнамцаў[1].
Адлюстраванне ў мастацтве
Фінальная бітва ў фільме Олівера Стоўна «Узвод» грунтуецца на баях за базы «Голд» і «Бёрт»
