Васіль Васілевіч Кірыенка
Васі́ль Васі́левіч Кірые́нка (нарадзіўся 28 чэрвеня 1981 года, Рэчыца, Беларусь) — беларускі шашэйны і трэкавы веласіпедыст, які выступае за каманду «Team Sky». Чэмпіён свету ў індывідуальнай гонцы з раздзельным стартам 2015 года. Пераможца этапаў Джыра д’Італія і Вуэльты.
_pictogram.svg){kind=small} Васіль Кірыенка | |||
|---|---|---|---|
 | |||
| Асабістая інфармацыя | |||
| Грамадзянства | |||
| Дата нараджэння | 28 чэрвеня 1981 (42 гады) | ||
| Месца нараджэння | |||
| Рост | 1,83 м | ||
| Вага | 71 кг | ||
| Інфармацыя пра гоншчыка | |||
| Цяперашняя каманда | Team Sky | ||
| Спецыялізацыя | універсал | ||
| Прафесійныя каманды | |||
| |||
Дзяржаўныя і іншыя ўзнагароды  | |||
 Медыяфайлы на Вікісховішчы | |||
Біяграфія
Бронзавы прызёр чэмпіяната Еўропы 2003 года ў камандным і індывідуальным пераследаванні[1]. У прафесійным палатоне стартуе ў 2006 годзе. Трохразовы чэмпіён Беларусі ў гонцы з раздзельным стартам (2002, 2005, 2006). У верасні 2006 года заняў шостае места на чэмпіянаце свету па велагонках на шашы ў Зальцбургу[2]. У лістападзе фінішыраваў першым на дыстанцыі скрэтчу ў першым этапе кубка свету ў Сіднеі[3].
Становіцца пераможцам 19 этапу Джыра д’Італія ў 2008 годзе[4], раней фінішыраваў другім на 7-м і 14-м этапах[5]. У сакавіку 2008 годзе здабыў залаты медаль у гонцы па ачках на чэмпіянаце свету на велатрэку ў Манчэстэры[6], але ў наступным годзе згубіў гэты тытул на карысць аўстралійца Кэмерана Мэера ў польскім Прушкаве[7]. Пад канец 2008 года Васіль Кірыенка заявіў пра падпісанне двухгадовага кантракта з іспанскай камандай «Caisse D'Epargne»[8].
У 2010 годзе Васіль Кірыенка заняў другое месца на дзясятым этапе «Тур дэ Франс», паказаўшы найлепшы вынік за ўсю гісторыю ўдзелу беларускіх веласіпедыстаў у гэтым спаборніцтве[9].
3 сакавіка 2010 года фінішыраваў 5-м на трэцім этапе велашматдзёнкі «Вуэльта Мурсіі» і паводле вынікаў агульнага заліку заняў 10-е месца[10]. 5 красавіка 2011 годзе Васіль Кірыенка перамог у другім этапе шматдзёнкі «Тур краіны Баскаў»[11]. 12 верасня 2013 годзе выйграў 18-ы этап «Вуэльты»[12]. 22 траўня 2015 г. перамог у 14-м этапе прэстыжнай велашматдзёнкі «Джыра д’Італія»[13].
23 верасня 2015 года выйграў індывідуальную гонку з раздзельным стартам на чэмпіянаце свету, які праходзіў у ЗША[14].
12 кастрычніка 2016 года стаў сярэбраным прызёрам у індывідуальнай гонцы з раздзельным стартам на чэмпіянаце свету ў Досе[15].
Зноскі
Спасылкі
На Вікісховішчы ёсць медыяфайлы па тэме Васіль Васілевіч Кірыенка
