Гардзееўскі раён

Раён размешчаны на захадзе Бранскай вобласці, плошча яго тэрыторыі складае 846,54 км².

Мяжуе:

• на поўначы з Касцюковіцкім раёнам Магілёўскай вобласці Беларусі;
• на захадзе з Краснагорскім раёнам Бранскай вобласці;
• на ўсходзе з Суражскім раёнам Бранскай вобласці;
• на поўдні з Клінцоўскім раёнам Бранскай вобласці.

Гардзееўскі раён утвораны ў 1929 годзе і першапачаткова ўваходзіў у Клінцоўскую акругу Заходняй вобласці, а з 1937 года — у новаўтвораную Арлоўскую вобласць.

5 ліпеня 1944 года ўказам Прэзідыума Вярхоўнага савета СССР была ўтворана Бранская вобласць, у склад якой, нароўні з іншымі, быў уключаны і Гардзееўскі раён. У 1963 годзе раён быў скасаваны, у 1985 годзе адноўлены.

Насельніцтва раёна складае 13,4 тыс. чалавек. Усяго налічваецца 70 населеных пунктаў.

Пасля муніцыпальнай рэформы (2005) у раёне налічваецца 1 гарадское і 6 сельскіх паселішчаў:

Гарадскія паселішчы:

1. Мірнінскае гарадское паселішча

Сельскія паселішчы:

1. Гліннаўскае сельскае паселішча
2. Гардзееўскае сельскае паселішча
3. Петравабудское сельскае паселішча
4. Рудневараб’ёўскае сельскае паселішча
5. Тварышынскае сельскае паселішча
6. Унашаўскае сельскае паселішча

На сённяшні дзень занятасць насельніцтва забяспечваюць галоўным чынам бюджэтныя арганізацыі (школа, раённая бальніца, міліцыя, суд, служба судовых прыставаў, пенсійны фонд, філіялы банкаў, а таксама калгасы).

• Гардзееўскі мясаперапрацоўчы камбінат.
• Тварышынскі спіртавы завод.

Сяло Гардзееўка знаходзіцца за 35 км ад найбліжэйшай чыгуначнай станцыі ў горадзе Клінцы.

• Царква Ушэсця Гасподняга ў с. Вялікі Бор (1809)
• Царква Св. Мікалая ў с. Казарычы
• Царква Покрыва Прасв. Багародзіцы ў с. Кузняцы