Група армій Рупрэхта Баварскага
Гру́па а́рмій Кронпрынца Ру́прэхта Бава́рскага (ням.: Heeresgruppe Kronprinz Rupprecht von Bayern) — воінскае аб'яднанне імперскай Германскай арміі падчас Першай сусветнай вайны. Удзельнічала ў баявых дзеяннях у складзе Заходняга фронта з 28 жніўня 1916 года да канца вайны. Была створана на базе часовай армейскай групы Гальвіца пад началам генерала ад артылерыі Макса фон Гальвіца, якая дзейнічала ў перыяд з 19 ліпеня па 28 жніўня 1916 года.
| Heeresgruppe Kronprinz Rupprecht von Bayern Група армій Кронпрынца Рупрэхта Баварскага | |
|---|---|
 Эмблема Германскай імперскай арміі | |
| Гады існавання | 1916—1918 |
| Краіна |  Германская імперыя |
| Тып | Пяхота |
| Удзел у | Першая сусветная вайна |
| Камандзіры | |
| Вядомыя камандзіры | генерал-фельдмаршал Рупрэхт Баварскі |
Гісторыя баявых дзеянняў
У пачатку бітвы на Соме (ліпень 1916) нямецкая 2-я армія павялічылася настолькі, што было прынята рашэнне падзяліць яе на дзве арміі. 19 ліпеня на базе правага (паўночнага) крыла была зноў створана 1-я армія. Былы камандзір 2-й арміі генерал ад інфантэрыі Фрыц фон Белаў прыняў камандаванне 1-й арміяй, а 2-я армія атрымала новага камандуючага генерала ад артылерыі Макса фон Гальвіца. Фон Гальвіц таксама быў прызначаны камандзірам армейскай групы Гальвіц, каб каардынаваць дзеянні абедзвюх армій на Соме[1].
28 жніўня 1916 года да армейскай групы былі дададзеныя яшчэ дзве арміі (6-я і 7-я), яна стала групай армій, атрымала новага камандуючага — генерала-фельдмаршала Рупрэхта Баварскага і назву — Група армій Кронпрынца Рупрэхта Баварскага (ням.: Heeresgruppe Kronprinz Rupprecht von Bayern).
Была распушчана 11 лістапада 1918 года.
Склад групы арміі
- 1-я армія (генерал ад інфантэрыі Фрыц фон Белаў): ліп. 1916 — крас. 1917
- 2-я армія (генерал ад артылерыі Макс фон Гальвіц, пасля генерал ад кавалерыі Георг фон дэр Марвіц, затым генерал ад інфантэрыі Адольф фон Карлавіц): ліп. 1916 — ліст. 1918
- 6-я армія (генерал-палкоўнік Людвіг фон Фалькенхаўзен, пасля генерал ад інфантэрыі Ота фон Белаў, затым генерал ад інфантэрыі Фердынанд фон Куаст): жнів. 1916 — ліст. 1918
- 7-я армія (генерал ад артылерыі Рыхард фон Шуберт, пасля генерал ад інфантэрыі Макс фон Боэн): жнів. 1916 — крас. 1917
- 4-я армія (генерал ад інфантэрыі Фрыдрых фон Армін): сак. 1917 — ліст. 1918
- 17-я армія (генерал ад інфантэрыі Ота фон Белаў, пасля генерал ад інфантэрыі Бруна фон Мудра): люты 1918 — ліст. 1918
Зноскі
Літаратура
- Cron, Hermann (2002). Imperial German Army 1914–18: Organisation, Structure, Orders-of-Battle [first published: 1937]. Helion & Co. ISBN 1-874622-70-1.