Джалі
Джалі (jālī - «чысты») — назва каменнага перфарыраванага ці рашэцістага экрану , як правіла, з арнаментам, які пабудаваны на аснове выкарыстання каліграфіі і геаметрыі. Гэтая форма архітэктурнага аздаблення распаўсюджана ў інда-ісламскай архітэктуры і ў цэлым у ісламскай архітэктуры[1].
Джалі дапамагае ў зніжэнні тэмпературы за кошт сціскання паветра, якое праходзіць праз адтуліны. Было заўважана, што ў вільготных месцах, напрыклад, у Керале і Конкане робяць вялікія адтуліны з агульнай паніжанай празрыстасцю па параўнанні з сухім кліматам рэгіёнаў Гуджарат і Раджастхан[2].
З-за кампактнасці жылых раёнах у сучаснай Індыі, джалі сталі больш рэдкімі, бо не забяспечваюць прыватнасць і бяспеку[3].
Гісторыя
Раннія ўзоры джалі ствараліся разьбой па камені, як правіла, у геаметрычныя ўзоры , пазней маголы выкарыстоўвалі вельмі тонка выразаныя арнаменты на расліннай аснове, як у Тадж-Махалы. Яны таксама часта дадавалі фларэнтыйскую мазаіку ў абрамленні, выкарыстоўваючы мармур і напаўкаштоўныя камяні[1][4].
Ілюстрацыі
- Дэталі з мармуровых экранаў джалі каралеўскага кенатафу, Тадж-Махал
- Джалі ў мячэці Сідзі-Саід у Ахмедабадзе дэманструе традыцыйны індыйскі матыў дрэва жыцця
- Джалі ў Маўзалеі Саліма Чышці , Фатэхпур-Сікры паказвае ісламскі геаметрычны арнамент, распрацаваны ў Заходняй Азіі
- Джалі ў Бібі-ка-Макбара , Аўрангабад з тыповымі індыйскімі матывамі
Зноскі
Літаратура
- Lerner, Martin (ed), The Flame and the Lotus: Indian and Southeast Asian Art from the Kronos CollectionsВыставачны каталог з музея Метраполітан, які ўтрымлівае матэрыялы пра джалі (no. 60), google books
Спасылкі
Джалі на Вікісховішчы |