Зарэчанскі сельсавет
Зарэ́чанскі сельсавет (да 1994 — Зарэцкі сельсавет[1]) — былая адміністрацыйна-тэрытарыяльная адзінка ў складзе Лагойскага раёна Мінскай вобласці Беларусі. Цэнтр — вёска Зарэчча. Размяшчаўся на захадзе раёна.
| Зарэчанскі сельсавет | |
|---|---|
| Краіна |  Беларусь |
| Статус | сельсавет |
| Уваходзіць у | Лагойскі раён |
| Уключае | 15 населеных пунктаў |
| Адміністрацыйны цэнтр | Зарэчча |
| Дата ўтварэння | 20 жніўня 1924 |
| Дата скасавання | 28 мая 2013 |
| Насельніцтва (2009) | 739 |
| Паштовыя індэксы | 223149 |
| Код аўтам. нумароў | 5 |
Утвораны 20 жніўня 1924 года як Зарэцкі сельсавет у складзе Плешчаніцкага раёна Барысаўскай акругі БССР. З 9 чэрвеня 1927 года ў складзе Мінскай акругі. Пасля скасавання акруговага падзелу 26 ліпеня 1930 года ў Плешчаніцкім раёне БССР. З 20 лютага 1938 года ў складзе Мінскай вобласці. З 25 снежня 1962 года ў складзе Лагойскага раёна. У 1994 годзе перайменаваны ў Зарэчанскі сельсавет. 28 мая 2013 года скасаваны, тэрыторыя далучана да Акцябрскага сельсавета[2].
Насельніцтва сельсавета паводле перапісу 2009 года складала 739 чалавек[3], з іх 96,3 % — беларусы, 2,6 % — рускія[4].
На момант скасавання ў склад сельсавета ўваходзілі 15 населеных пунктаў: вёскі Гаравец, Глыбачаны, Дунаі, Замошша, Зарэчча, Канюхі, Кацялі, Ляда, Палосы, Пасадзец, Пушча, Рэпішча, Селішча, Скарады і Франуліна.
Зноскі
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
- Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — 432 с. — 10 000 экз. — ISBN 985-11-0041-2. С. 327, 328
- Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 592 с. — 10 000 экз. — ISBN 985-11-0141-9. С. 512
- Зарэчанскі сельсавет у картатэцы Фондавага каталога дзяржаўных архіваў Рэспублікі Беларусь