Красавіцкае каханне
«Красавіцкае каханне» (англ.: April Love) — карціна мастака-прэрафаэліта Артура Х'юза, напісаная паміж 1855 і 1856 годам. Упершыню была выстаўлена Каралеўскай акадэміяй мастацтваў у 1856 годзе.
| ||
| Артур Х'юз[1] | ||
| Красавіцкае каханне. 1855—1856 | ||
| April Love | ||
| Матэрыял | палатно, алей | |
|---|---|---|
| Тэхніка | рукапіс | |
| Памеры | 89 × 50 см | |
| Галерэя Тэйт, Лондан | ||
| (інв. N02476 і NG2476) | ||
Апісанне
Карціна паказвае маладую пару ў часе эмацыйнага крызісу. Постаць мужчыны ледзь заўважная, яго галава выглядвае з-пад левай рукі маладзіцы. Яе позірк скіраваны на ўпалыя пялёсткі кветак на падлозе, якія сімвалізуюць канец вясны і ранняга кахання.
На першым паказе Х'юз прадставіў палатно ўрыўкам з верша Альфрэда Тэнісана «Дачка млынара»:[2]
|
Лонданская галерэя Тэйт набыла гэтую карціну ў 1909 годзе, якая захоўваецца там і па сённяшні дзень. Першапачатковым уладальнікам карціны быў Уільям Морыс[3].
Мадэллю для фігуры маладзіцы была Трайфена Форд (Tryphena Ford), з якой Х'юз ажаніўся ў 1855 годзе[4].