Масавае забойства ў Біньхоа
Масавае забойства ў Біньхоа — масавае забойства, здзейсненае паўднёвакарэйскімі войскамі ў перыяд паміж 3 і 6 снежня 1966 года ў вёсцы Біньхоа, размешчанай у правінцыі Куангнгай у Паўднёвым В’етнаме[1][2][3]. Усяго ахвярамі разні сталі, па розных даных, ад 422[1] да 430[4] чалавек, па большай частцы старыя, дзеці і жанчыны[3], у тым ліку 21 цяжарная[1]. Мясцовасць, у якой адбылося масавае забойства, была зонай дзеяння 2-й дывізіі марской пяхоты[5]. Забіўшы жыхароў, салдаты спалілі дамы ў вёсцы, забілі сотні кароў і буйвалаў, якія належалі жыхарам вёскі[1]. Жыхары, якім удалося перажыць разню, далучыліся да войскаў В’етконга і пасля прымалі ўдзел у баях супраць войскаў ЗША і іх саюзнікаў[1][6].
У тым жа годзе паўднёвакарэйскія войскі здзейснілі аналагічныя злачынствы ў вёсках Біньтай, Бін’ан і Тэйвінь[7][8].
Зноскі
Літаратура
- Kim, Hyun Sook Lee. Korea’s «Vietnam Question»: War Atrocities, National Identity, and Reconciliation. Positions: East Asia Cultures Critique, Volume 9, Number 3, Winter 2001, p. 622—635. E-ISSN: 1527-8271
- Oliver, Kendrick. The My Lai Massacre in American History and Memory. — Manchester University Press, 2006. — ISBN 978-0-7190-6891-1.
Спасылкі
- Binh Hoa Massacre Архівавана 18 верасня 2013.