Обер-бургамістр
Обер-бургамістр — глава выканаўчай улады, мэр вялікага горада ў Германіі і некаторых іншых краінах.
Яго намеснікі завуцца бургамістрамі.
Становішча ў Германіі
Роля
Главой выканаўчай улады ў буйных гарадах Германіі (гарадскіх акругах, буйных раённых цэнтрах, незалежных гарадах, гарадах сярэдняй велічыні, гарадах раённага падпарадкавання) з'яўляецца не бургамістр, а обер-бургамістр, якому падпарадкаваны іншыя службовыя асобы, якія кантралююць асобную галіну жыцця горада. Хто абірае обер-бургамістра залежыць ад становішча ў асобнай германскай зямлі і ад становішча ў абшчынах.
Становішча ў гарадах-дзяржавах
У такіх гарадах, як Берлін, Брэмен і Гамбург пасада обер-бургамістра не выкарыстоўваецца.У Берліне главу выканаўчай улады завуць «кіруючы бургамістр» (ням.: Regierender Bürgermeister), у Брэмене — «бургамістр і старшыня сената» (ням.: Bürgermeister und Präsident des Senats), а ў Гамбургу — «першы бургамістр» (ням.: Erster Bürgermeister). У горадзе Брэмергафене таксама існуе пасада обер-бургамістра, бо па рашэнні гарадскога савета Брэмергафен уваходзіць разам з Брэменам у склад зямлі Брэмен. Любек не размешчаны ў горадзе-дзяржаве, але ў гэтым горадзе традыцыйна існуе толькі бургамістр, хоць ён займае прыкладна тое ж становішча, што обер-бургамістр.
Становішча ў іншых гарадах Еўропы
У Даніі адпаведную службовую асобу завуць Overborgmester. У Вялікабрытаніі і іншых англамоўных краінах існуе тытул Lord Mayor (у адрозненне ад звычайнага Mayor). У Чэхіі пасаду обер-бургамістра завуць Primátor, і обер-бургамістр прадстаўляе гарадское заканадаўства.