Оламаўцкая архідыяцэзія
Оламаўцкая архідыяцэзія (лац.: Archidioecesis Olomucensis) — архідыяцэзія Рымска-Каталіцкай Царквы з цэнтрам у горадзе Оламаўц, Чэхія. У Оламаўцкую архідыяцэзію ўваходзяць Брненская і Остраўска-опаўская дыяцэзіі. Кафедральным саборам Оламаўцкай архідыяцэзіі з'яўляецца сабор Святога Вацлава. У наш час архібіскупам оламаўцкім з'яўляецца Ян Граўбнер.
| Оламаўцкая архідыяцэзія | |
|---|---|
| Archidioecesis Olomucensis | |
 | |
 | |
| лацінскі | |
| Галоўны горад | Оламаўц |
| Краіна |  Чэхія |
| Дата заснавання | 1063 год |
| Кафедральны сабор | Сабор Святога Вацлава |
| Парафій | 419 |
| Іерарх | Ян Граўбнер |
| Плошча дыяцэзіі | 10.020 кв. км км² |
| Насельніцтва дыяцэзіі | 1.375.000 (2005) чал. |
| Колькасць каталікоў | 732.000 |
| Доля каталікоў | 53,2 % % |
| Афіцыйны сайт | ado.cz |
 Медыяфайлы на Вікісховішчы | |
Гісторыя
У IX—X стст. Оламаўц быў важным цэнтрам Вялікай Маравіі. Пазней ён стаў сталіцай рэгіёна Маравіі. У X стагоддзі тэрыторыя Маравіі ўваходзіла ў склад Рэгенсбургскія дыяцэзіі, пазней яна ўвайшла ў склад Пражскай дыяцэзіі.
Оламаўцкая дыяцэзія была заснавана ў 1063 годзе. У 1182 годзе мараўскі маркграф стаў незалежным і атрымаў права прызначаць біскупаў для Оламаўцкай дыяцэзіі. У 1207 годзе Каталіцкая Царква ў Маравіі атрымала вызваленне ад падаткаў і права самастойна выбіраць біскупа. У XIII стагоддзі біскупы оламаўцкія мелі тытул князя-біскупа і Оламаўцкае біскупства з'яўлялася адным з царкоўных княстваў Свяшчэннай Рымскай імперыі. 30 красавіка 1344 года біскуп оламаўцкі стаў вікарным епіскапам Пражскай архідыяцэзіі.
У 1777 годзе дыяцэзія была павышана да архідыяцэзіі, а 5.12.1777 года оламаўцкая архідыяцэзія аддала частку сваёй тэрыторыі новай Брненскія дыяцэзіі.
Падчас таталітарнага рэжыму архібіскуп Ёсеф Матаха быў інтэрнаваны з 1950 года да сваёй смерці ў 1961 годзе. Новы архібіскуп Оламаўцкай архідыяцэзіі быў прызначаны Ватыканам у 1989 годзе.
30 мая 1996 года Оламаўцкая архідыяцэзія аддала частку сваёй тэрыторыі новай Остраўска-опаўскай дыяцэзіі.
Святыя архідыяцэзіі
30 красавіка 1620 года прыхадскі святар Ян Саркандэр быў закатаваны за абарону тайны споведзі. Ён быў беатыфікаваны ў 1859 годзе і кананізаваны ў 1995 годзе.
Крыніца
- Annuario Pontificio, Libreria Editrice Vaticana, Città del Vaticano, 2003, ISBN 88-209-7422-3
- Булла Suprema dispositione/ Bullarii romani continuatio, Tomo VI, Parte I, Prato 1843, стр. 429—432 (лац.)
- Pius Bonifacius Gams, Series episcoporum Ecclesiae Catholicae, Leipzig 1931, стр. 297—298 (лац.)
- Konrad Eubel, Hierarchia Catholica Medii Aevi, vol. 1 Архівавана 9 ліпеня 2019., стр. 376; vol. 2 Архівавана 4 кастрычніка 2018., стр. 206; vol. 3 Архівавана 21 сакавіка 2019., стр. 262; vol. 4 Архівавана 4 кастрычніка 2018., стр. 264; vol. 5, p. 296; vol. 6, стр. 317—318 (лац.)
Літаратура
- Ольмюцское архиепископство // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
Спасылкі
На Вікісховішчы ёсць медыяфайлы па тэме Оламаўцкая архідыяцэзія- Афіцыйны сайт Оламаўцкай архідыяцэзіі (чэшск.)
- Звесткі пра Оламаўцкую архідыяцэзію (англ.)
