Палігімнія (муза)

Палігімнія ці Палімнія (грэч. Πολυύμνια, Πολύμνια), Шматспяваючая — у старажытнагрэчаскай міфалогіі ^[1]муза ўрачыстых гімнаў, красамоўства і пантамімы. Згодна з Дыядорам, атрымала імя ад стварэння многімі ўсхваленнямі вядомасці тым, чыё імя абессмяроцела славай паэзія^[2].

Дачка Зеўса і Мнемасіны ^[3]. Яна апякае паэтаў — стваральнікаў гімнаў. Лічыцца, што яна захоўвае ў памяці ўсе гімны, песні і рытуальныя танцы, якія славяць алімпійскіх багоў, таксама лічыцца, што яна вынайшла ліру.

Палігімнія часта малюецца ў выглядзе дзяўчыны, захутанай у покрыва. Нярэдка ў задуменнай позе, з летуценным тварам і са скруткам у руцэ.

Палігімнія спрыяе вывучэнню людзьмі рыторыкі і аратарскага мастацтва.

• На Вікісховішчы ёсць медыяфайлы па тэме Палігімнія (муза)