Першамайскі сельсавет (Шчучынскі раён)

Першама́йскі сельсавет — адміністрацыйна-тэрытарыяльная адзінка ў складзе Шчучынскага раёна Гродзенскай вобласці. Цэнтр — аграгарадок Першамайск (да 2011 г. вёска Першамайская).

Першамайскі сельсавет
Краіна	Беларусь
Уваходзіць у	Шчучынскі раён
Уключае	41 населены пункт
Адміністрацыйны цэнтр	Першамайск
Дата ўтварэння	12 кастрычніка 1940
Насельніцтва (2009)	2 406
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года як Сабакенцаўскі сельсавет у складзе Васілішкаўскага раёна Баранавіцкай вобласці БССР. Цэнтр — вёска Сабакенцы. З 20 верасня 1944 года ў складзе Гродзенскай вобласці. 16 ліпеня 1954 года цэнтр сельсавета, вёска Сабакенцы, атрымала назву Першамайская, а сельсавет перайменаваны ў Першамайскі^[1]. З 20 студзеня 1960 года ў складзе Радунскага раёна. 17 чэрвеня 1961 года да сельсавета далучана тэрыторыя скасаванага Матыльскага сельсавета^[2]. 2 снежня 1961 года ў склад Навадворскага сельсавета перададзены вёскі Дамейкі і Сырні^[3]. З 25 снежня 1962 года ў складзе Шчучынскага раёна. 11 лютага 1972 года да сельсавета далучана тэрыторыя скасаванага Хадзілонскага сельсавета^[4]. У 1986 годзе скасаваны хутар Грабнік^[5]. 21 чэрвеня 2011 года цэнтр сельсавета, вёска Першамайская, атрымала статус аграгарадка і перайменавана ў Першамайск^[6].

Насельніцтва сельсавета паводле перапісу 2009 года — 2406 чалавек^[7], з іх 59,4 % — беларусы, 38,7 % — палякі, 1,0 % — рускія^[8].