Траян Вайніловіч

Траян Вайніловіч
Траян Вайніловіч
	; Сыракомля
падчашы новагародскі[d]
	з 1648
войскі новагародскі[d]
падкаморы новагародскі[d]
	з 1673
3-і падчашы мсціслаўскі[d]
	з 20 лютага 1646
Папярэднік	Крыштаф Каменскі[d]
Пераемнік	Людвік Казімір Вайніловіч
Смерць	1675
Род	Вайніловічы
Бацька	Стэфан Вайніловіч[d]
Жонка	Юстына з Палубінскіх[d]
Бітвы	Аблога Ляхавічаў[d];

Траян Вайніловіч (пам. 1675) — ураднік Вялікага Княства Літоўскага.

Біяграфія

Паходзіў са шляхецкага роду Вайніловічаў герба «Сыракомля». Сын Стэфана Вайніловіча (памёр да 1623 г.), падстолія слонімскага і заснавальніка барышынскай лініі. Меў брата Тамаша.

Быў падчашым новагародскім з 1648 года, войскім у 1654 годзе і падкаморым з 1673 года. Адзначыўся пры абароне Ляхавіцкага замка ад расійскіх войск у 1660 годзе.

У 1653 г. набыў маёнтак Барышын ад Аляксандра Шэмета, ад якога паходзіць назва лініі Вайніловічаў.

Меў значны ўплыў у Новагародскім ваяводстве, нават князь Багуслаў Радзівіл прасіў яго аб падтрымцы ўласных спраў на ваяводскім сойміку у 1666 г.

Памёр у 1675 годзе.

Сям’я

Каля 1652 года ў шлюбе з Юстынай, дачкой Станіслава Палубінскага, харужага і падкаморыя слонімскага.

Спасылкі

Рыбчонак С. Радавод Вайніловічаў гербу «Сыракомля» змененая // Герольд Litherland. Горадня-Менск. 2011. — № 18. — С.116-123

[1]