Узняцце сцяга на Іодзіме

«Узняцце сцяга на Іодзіме» (англ.: Raising the Flag on Iwo Jima) — гістарычны фотаздымак, зроблены 23 лютага 1945 года Джо Розенталем^[en]. Яна адлюстроўвае пяцярых марскіх пяхотнікаў ЗША і санітара ВМС ЗША, якія паднімаюць сцяг Злучаных Штатаў на вяршыні гары Сурыбаці падчас бітвы за Іодзіму^[en] ў Другой сусветнай вайне.

Джо Розенталь[d][2][3]

Узняцце сцяга на Іодзіме. 23 лютага 1945[1][2][…]

Нацыянальнае кіраванне архіваў і дакументацыі, ЗША[2]

(інв. NWDNS-80-G-413988[1][2])

Медыяфайлы на Вікісховішчы

Фатаграфія стала надзвычай папулярнай, быўшы перадрукаванай у тысячах публікацый. Пазней яна стала адзінай фатаграфіяй, якая атрымала Пулітцэраўскую прэмію за выдатную фатаграфію^[en] ў год публікацыі кадра. У ЗША здымак стаў адным з найбольш значных і вядомых вобразаў вайны, а таксама, верагодна, стаў найбольш часта ўзнаўляемай у рэпрадукцыях фатаграфіяй усіх часоў.

З шасці чалавек, адлюстраваных на фатаграфіі, трое (Франклін Сузлі, Гарлон Блок і Майкл Стрэнк^[en]) былі забітыя ў наступных баях; трое засталіся ў жывых (Гаральд Шульц, Рэнэ Ганьён і Айра Хейз^[en]) і сталі знакамітасцямі пасля ўстанаўлення іх асоб па фатаграфіі. Да 2016 года памылкова лічылася, што на фатаграфіі быў адлюстраваны не Гаральд Шульц, а Джон Брэдлі. Фатаграфія пазней выкарыстоўвалася скульптарам Феліксам дэ Уэлданам для стварэння мемарыяла марской пяхоты^[en], размешчанага побач з Арлінгтанскімі нацыянальнымі могілкамі^[en].

Падзеі, звязаныя з узняццем сцяга над Іодзімай, апісаны ў мастацкім фільме «Сцягі нашых бацькоў^[en]».

Здымак знаходзіцца ў грамадскім здабытку, бо агенцтва «Асашыэйтэд Прэс» адмовілася ад аўтарскіх правоў на фатаграфію.