Фенек (бронеаўтамабіль)

Створаны германскай фірмай Krauss-Maffei Wegmann і нідэрландскімі SP Aerospace і Vehicle Systems BV. Першы прататып завершаны ў 2000, а з 2001 пачалася серыйная вытворчасць. Першы ўзор быў прыняты на ўзбраенне Нідэрландаў у ліпені 2003 і ў Германіі ў снежні 2006.

Агульны заказ на бронеаўтамабілі склаў 612 машын, у тым ліку 410 для Каралеўскай нідэрландскай арміі і 202 для германскай арміі, у некалькіх варыянтах, уключаючы носьбіты СТУР. У 2007 годзе Германіяй была замоўлена дадатковая партыя з 10 машын.

«Фенек» выконвае ролю аднаго з асноўных браняваных разведвальных сродкаў у германскай арміі і асноўнага — у нідэрландскай арміі, абедзве краіны таксама выкарыстоўвалі бронеаўтамабілі гэтага тыпу ў баявых дзеяннях у Афганістане. Шэраг машын разведкі можа дзейнічаць за лініяй фронту ў аўтаномным рэжыме да пяці дзён.

Узбраенне тыповае для машын такога роду. Стандартнай зброяй з’яўляецца адзін 12,7-мм кулямёт Browning M2 у галандскай арміі і 7,62-мм Rheinmetall MG-3 у нямецкай. На машыну таксама можа ўсталёўвацца 40-мм аўтаматычны гранатамёт HK GMG.

«Фенек» таксама абсталёўваецца оптыкаэлектроннай сістэмай назірання і БПЛА Aladin^[1][2].

•  Германія — 220 адзінак станам 2024 год^[3].
•  Нідэрланды — 343 адзінкі станам на 2024 год^[4].

• «Fennek» - бронеавтомобиль (ням.)(недаступная спасылка). Krauss-Maffei Wegman. — страница «Fennek» на сайте производителя. Архівавана з першакрыніцы 4 красавіка 2010. Праверана 20 сакавіка 2010.
• Видеоролик: Fennek — лёгкий разведывательный бронеавтомобиль