Шарашэўскі сельсавет

Шарашэ́ўскі сельсавет — адміністрацыйна-тэрытарыяльная адзінка ў складзе Пружанскага раёна Брэсцкай вобласці Беларусі. Адміністрацыйны цэнтр — гарадскі пасёлак Шарашова.

Шарашэўскі сельсавет
Краіна	Беларусь
Уваходзіць у	Пружанскі раён
Уключае	16 населеных пунктаў
Адміністрацыйны цэнтр	Шарашова
Дата ўтварэння	29 мая 2015
Насельніцтва (2019)	2 144
Код аўтам. нумароў	1

12 кастрычніка 1940 года ўтвораны Шарашоўскі пассавет у складзе Шарашоўскага раёна Брэсцкай вобласці БССР. З 17 снежня 1956 года ў складзе Пружанскага раёна. 26 лютага 2002 года да пассавета далучана тэрыторыя скасаванага Крыніцкага сельсавета. 29 мая 2015 года Шарашоўскі пассавет рэарганізаваны ў Шарашэўскі сельсавет^[1].

Насельніцтва паводле перапісу 2009 года (15 населеных пунктаў, без Шарашова) — 758 чалавек^[2], з іх 86,8 % — беларусы, 6,5 % — украінцы, 3,8 % — рускія, 2,5 % — палякі^[3]; паводле перапісу 2019 года (16 населеных пунктаў) — 2144 чалавекі^[4].