Эдвін Лэндсір
Эдвін Генры Лэндсір (Ландсір) (англ.: Edwin Henry Landseer, 7 сакавіка 1802, Лондан — 1 кастрычніка 1873, Лондан) — англійскі мастак і скульптар эпохі рамантызму. Вядомы, у прыватнасці, і як стваральнік бронзавых літых скульптур жывёл (аленяў, львоў). Яму належаць статуі львоў ля падножжа калоны Нельсана на Трафальгарскай плошчы.
| Эдвін Лэндсір | |
|---|---|
| англ.: Edwin Henry Landseer | |
 | |
| Дата нараджэння | 7 сакавіка 1802[1][2][…] |
| Месца нараджэння | |
| Дата смерці | 1 кастрычніка 1873[1][2][…] (71 год) |
| Месца смерці | |
| Месца пахавання | |
| Грамадзянства | |
| Бацька | Джон Лэндсір[d] |
| Маці | Джэйн Потс[d][4] |
| Род дзейнасці | мастак, скульптар, архітэктурны чарцёжнік, майстар афорту |
| Жанр | пейзаж, анімалістыка, анімалістычны жывапіс[d][5] і партрэт[5] |
| Вучоба | |
| Мастацкі кірунак | рамантызм[6] |
| Член у | |
| Узнагароды |  |
 Медыяфайлы на Вікісховішчы | |
.svg){kind=small}
Біяграфія
Эдвін Лэндсір быў малодшым сынам гравёра па медзі Джона Лэндсіра; адным з яго братоў быў мастак Чарлз Лэндсір. Навучаўся жывапісу ў свайго бацькі і ў мастака Бенджаміна Р. Хейдана. У 1814 годзе ён упершыню выставіў свае карціны на Летняй выстаўцы ў Каралеўскай акадэміі мастацтваў, а ў 1815 годзе паступіў у школу пры акадэміі. У 1824 годзе Лэндсір упершыню наведаў горную Шатландыю і з таго часу неаднаразова прыязджаў туды на эцюды. Па шатландскіх матывах мастак стварыў цэлы шэраг палотнаў, многія з якіх выстаўлены ў найбуйнейшых музеях Вялікабрытаніі (напрыклад, у Эдынбургскім Нацыянальным музеі Шатландыі).
У 1826 годзе Лэндсір стаў членам-карэспандэнтам Каралеўскай акадэміі мастацтваў, у 1831 годзе — правадзейным яе членам. У 1850 годзе ўзведзены каралевай у рыцарскае званне. У 1866 годзе Эдвін Лэндсір быў абраны прэзідэнтам Каралеўскай акадэміі, аднак адмовіўся ад гэтай пасады.