Bremen
Land Bremen (alamaneg: Freie Hansestadt Bremen pe Land Bremen) zo ur gêr hag ur Stad war un dro. Unan eus ar 16 land a ya d'ober Alamagn eo, hag an hini nemetañ diazezet war daou diriad distok an eil ouzh egile : kêr Vremen (Stadtgemeinde Bremen) ha Bremerhaven, ur gêr bet savet e 1924 pa voe kendeuzet div gêr krouet en XIXvet kantved hag anvet Wesermünde betek ma voe staget ouzh al land e 1947. War-dro 60 km zo etre an div gêr ; etrezo emañ land Saks-Izel. Ur gêr dizalc'h eus kevre an Hanse eo bet Bremen, alese orin an anv Freie Hansestadt.
| Bremen Freie Hansestadt Bremen | |
|---|---|
 | |
| Lec'hiadur | |
 |  |
| Ardamezioù ha banniel | |
 |  |
| Ditouroù | |
| Gorread | 404,28 km² |
| Poblañs | 664 080 (2006) |
| Stankted | 1 642,62 annezad/km² |
| KDK | 25,313 md € |
| KDK dre annezad | 38 100 € |
| Politikerezh | |
| Prezidant ar Sened | Jens Böhrnsen, SPD |
| Bürgerschaft | SPD : 33 - CDU : 23 Bündnis 90/Die Grünen : 14 Die Linke : 7, FDP : 5 Dizalc'h : 1 |
| Internet | bremen.de |
Da 404 km² e sav gorread al land e norzh Alamagn ; e-tro 660 000 annezad zo ennañ, 547 360 (sifroù an 31/12/2008) anezho zo o chom e Bremen ha 114 506 e Bremerhaven.
Mont en-dro politikel ha melestradur
Gant Bürgerschaft Bremen (Bremische Bürgerschaft en alamaneg),83 ezel enni, emañ ar galloud seveniñ. Uv vodadeg kêr a vez e Bremerhaven hag e Bremen ez eus unan ivez anvet Stadtbürgerschaft.
Dilennadegoù 2007
Disoc'hoù dilennadegoù land Bremen, bet aozet d'an 13 a viz Mae 2007.
| Strollad politikel | Mouezhioù | Niver a zileuridi | % |
|---|---|---|---|
| SPD | 36.8% | 33 | 39.8% |
| CDU | 25.7% | 23 | 27.7% |
| Bündnis '90/Die Grünen | 16.4% | 14 | 16.9% |
| PDS | 8.4% | 7 | 8.4% |
| FDP | 6% | 5 | 6% |
| DVU | 2.7% | 1 | 1.2% |
| Strolladoù all | 4% | 0 | 0% |
| Hollad | 100% | 83 | 100% |
Deskadurezh uhel
E Bremen ez eus ur skol-veur hag ur skol-veur arzoù (Hochschule für Künste Bremen, HfK Bremen). Ur skol-veur skiantoù pleustrek a zo e Bremen hag e Bremerhaven hag ivez ur skol-veur brevez anvet Jacobs University Bremen.
Liammoù diavaez
.svg){kind=small}
.svg){kind=small}
 | Porched Alamagn – Adkavit pennadoù ha rummadoù Wikipedia a denn da Alamagn. |