ئۆپرا وینفری
ئۆپرا گایل وینفری (لەدایکبوو بە ناوی ئۆرپا گایل وینفری؛[١] لە ٢٩ی کانوونی دووەمی ١٩٥٤) پێشکەشکار، بەرھەمھێنەری تەلەڤیزیۆن، خانمەکتەر، نووسەر، و چاکەکاری ئەمریکییە. بەھۆی بەرنامەی The Oprah Winfrey Showەوەوە باشتر ناسراوە، کە لە شیکاگۆوە پەخشدەکرا، کە خاوەنی بەرزترین پلەی بەرنامەی تەلەڤیزیۆنی بوو لە چەشنەکەیدا و بە شێوازێکی نەتەوەیی پەخشدەکرا بۆ ٢٥ ساڵ لە ١٩٨٦ەوە بۆ ٢٠١١.[٤] ناسراو بە «شاژنی ھەموو میدیاکان»،[٥] دەوڵەمەندترین ئەفریقی ئەمریکیی سەدەی ٢٠ەم بوو[٦][٧] و یەکەم ملیاردێری ڕەشپێستی ئەمریکای باکوورە،[٨] و بە باشترین چاکەکاری ڕەشپێست لە مێژووی ئەمریکا دانراوە.[٩][١٠] لە ٢٠٠٧ەوە، ھەندێک جار بە دیارترین ئافرەت لە جیھان دادەنرێت.[١١][١٢]
ئۆپرا وینفری | |
|---|---|
 وینفری لە تشرینی یەکەمی ٢٠١٤ | |
| لەدایکبوون | ئۆرپا گایل وینفری[١] ٢٩ی کانوونی دووەمی ١٩٥٤ کۆسکیوسکۆ، میسیسیپی، ویلایەتە یەکگرتووەکان |
| خوێندنگە | زانکۆی ویلایەتی تێنێسی |
| پیشە |
|
| چالاکبوون | ١٩٧٣–ئێستا |
| کار |
|
| حیزبی سیاسی | بێلایەن |
| یار | ستێدمان گراھام (١٩٨٦–ئێستا) |
| مناڵ(ەکان) | کەنعان (ل. ١٩٦٨؛ م. ١٩٦٨)[٢] |
| وێبگە | oprah |
| واژوو | |
 | |
وینفرێ لە ھەژاریدا لە میسیسیپی لە دایکێکی ھەرزەکاری سەڵت لەدایکبووە و دواتر لە میلوۆکی گەورەبووە. ئاماژەی داوە کە لە منداڵی و سەرەتای ھەرزەکاریدا دەستدرێژی کراوەتە سەر و لە تەمەنی ١٤ ساڵیدا دووگیان بووە؛ لە تەمەنێ گەنجیدا کوڕەکەی لەدایکبووە و بە ساوایی مردووە.[١٣] وینفری دواتر نێردراوە تا لەگەڵ پیاوێکدا بژیت بە ناوی ڤێرنۆن وینفری، کە سەرتاشێکی تێنێسی بووە، و ئۆپرا بە باوکی خۆی ناوی دەبات، و کارێکی لە ڕادیۆیەکدا دۆزیەوە کە لە قوتابخانەی ناوەندی بووە. لە ١٩ ساڵیدا، پێشکەشکاری ھاوبەشی ھەواڵەکانی ئێوارەی ناوخۆیی بوو. قسەکردنە پڕ ھەستەکانی وینفری یەکسەر وای لێکرد ببرێتە بەشی بەرنامەی ڕۆژ، و دوای خستنی بەرنامەیەکی ناوخۆیی پلە سێی شیکاگۆ بۆ پلەی یەکەم،[١٤] کۆمپانیایەکی بەرھەمھێنانی تایبەت بە خۆی دامەزراند کە بە شێوازێکی نێودەوڵەتی لقی هەیە.
وینفری چەندان خەڵاتی بردووەتەوە لە ژیانی پیشەگەریدا کە پێکدێن لە ١٨ خەڵاتی ئێمی دەی تایم، لەوانەش خەڵاتی دەسکەوتی ژیان و خەڵاتی بەڕێوەبەر، ٢ خەڵاتی ئێمی پڕایم تایم، لەوانە خەڵاتی مرۆڤدۆستیی بۆب ھۆپ، خەڵاتێکی تۆنی، خەڵاتێکی پیبەدی و خەڵاتی مرۆڤدۆستیی ژان ھێرشۆڵت، کە لەلایەن خەڵاتەکانی ئۆسکارەوە پێی بەخشرا و پاڵێوراوە بۆ دوو خەڵاتی ئۆسکار.
سەرچاوەکان
بەستەرە دەرەکییەکان
- وێبگەی فەرمی
- ئۆپرا وینفری لە ئینسایکڵۆپیدیای بریتانیکا
- ئۆپرا وینفری لە بنکەدراوەی ئینتەرنێتیی فیلمەکان
- NPR «ئۆپرا: ژنە ئاساییە ملیاردێرەکە». پەڕگەی دەنگی، ڤیدیۆ و ژیاننامە. لە ١٧ی ئەیلوولی ٢٠١٠ ھێنراوە
- ئۆپرا وینفری ١٦ی شوباتی ٢٠١٣ لە وەیبەک مەشین، ئەرشیڤ کراوە. ڤیدیۆیەک لە بەرھەمھێنانی Makers: Women Who Make America
- سەیرکردنی ئۆپرا ١٧ی نیسانی ٢٠٢١ لە وەیبەک مەشین، ئەرشیڤ کراوە. – پێشانگایەکی سمیتسۆنیەن لەسەر Oprah Show و وینفری
