باری خۆ نەگۆڕین

لە فیزیکدا، باری خۆ نەگۆڕین (بە ئینگلیزی: inertia) بریتییە لە خۆڕاگریی تەنی فیزیکی لە بەرامبەر گۆڕینی حاڵەتی جووڵەیدا. بنەمای سرەوتن یەکێکە لە بنەما سەرەکییەکانی فیزیکی کلاسیک، ئەو بنەمایانەی کەوا جووڵەی ماددە و چۆنیەتیی کاریگەریی ھێزە دەرەکییەکان لەسەر ئەو جووڵەیە ڕاڤە دەکەن. ئیساک نیوتن لە دەستپێکی بەرھەمە گرنگەکەی خۆی، پرەنسیپە بیرکارییەکانی فەلسەفەی سروشتی، لە پێناسەی ژمارە ٣دا، باری خۆ نەگۆڕین پێناسە دەکات:^[١]

،vis insita یان ھێزی زگماکیی ماددە، توانایەکە بۆ خۆڕاگرتن، کە بەھۆیەوە ھەموو تەنێک، ئەوەندەی کە تێیدا دەمێنێتەوە، تێدەکۆشێت لە دۆخی ئێستایدا بەردەوام بێت، چ لە وچاندا بێت، یاخوود یەکشێوەیانە لە ڕاستەھێڵێکدا بەرەوپێش لە جووڵەدا بێت.^[٢]