کەنداوی تایلەند

کەنداوی تایلەند کە بە کەنداوی سیام ناسراوە، دەروازەیەکی قووڵە^[١][٢] لە باشووری ڕۆژاوای دەریای باشووری چین، کە لە نێوان کەنارەکانی باشووری ڕۆژاوای نیمچە دوورگەی ھیندۆچین و نیوەی باکووری نیمچە دوورگەی مالایدا سنووردارە. درێژییەکەی نزیکەی ٨٠٠ کم و پانییەکەی دەگاتە ٥٦٠ کم (٣٥٠ میل) و ڕووبەرەکەی ٣٢٠ ھەزار کم٢ (١٢٠ ھەزار میل چوارگۆشەیە.^[٣][٤] کەنداوەکە لە باکوور و ڕۆژاوا و باشووری ڕۆژاوا بە کەناراوەکانی تایلەند (ھەر لێرەوە ناوی لێنراوە) دەورە دراوە، لە باکووری ڕۆژھەڵات بە کەمبۆدیا و ناوچەی میکۆنگ دێڵتای ڤێتنام و لە باشووری ڕۆژھەڵاتەوە دەکرێتەوە بۆ دەریای باشووری چین.