Deutsche Welle

Sianel newyddion yw DW (TV) sy'n darlledu 24 awr y dydd, saith diwrnod yr wythnos yn Almaeneg, Saesneg, Ffrangeg, Sbaeneg, Arabeg, Dari a Pashto. Gellir clywed DW (Radio) mewn 31 o wahanol ieithoedd. Mae DW.de ar gael mewn 30 iaith ledled y byd. Mae'r DW-Akademie yn cynnig hyfforddiant ac addysg bellach proffesiynau cyfryngau i bobl o bob cwr o'r byd.

Mae Deutsche Welle wedi bod yn darlledu'n rheolaidd ers 1953. Hyd at 2003, roedd yr orsaf wedi'i lleoli yn ninas Cwlen, ac ar ôl hynny symudodd i Bonn (DW (Radio), DW Akademie, DW.de). Mae'r pencadlys teledu ym mhrifddinas yr Almaen, Berlin. Mae swyddfeydd ym Mrwsel, Mosgo, a Washington. Mae rhwydwaith o newyddiadurwyr parhaol a llawrydd yn gyfrifol am newyddiadura ar ran yr orsaf.

Er 2004 mae Deutsche Welle yn trefnu'r etholiad gweflog blynyddol 'Best of the Blogs'.^[3]

O 2019 ymlaen, roedd tua 1,500 o weithwyr a 1,500 o weithwyr llawrydd o 60 gwlad yn gweithio i Deutsche Welle yn ei swyddfeydd yn Bonn a Berlin.^[2]

• 1924 - sefydlu Deutsche Welle GmbH, yn Berlin
• 1953 - ailddechreuodd Deutsche Welle weithredu ar ôl yr Ail Ryfel Byd
• 1955 - dechrau cynhyrchu rhaglenni yn Saesneg, Ffrangeg, Sbaeneg a Phortiwgaleg
• 1990 - Ailuno'r Almaen - Gydag ailuno'r Almaen ym 1990, peidiodd gwasanaeth darlledu rhyngwladol Dwyrain yr Almaen, a alwyd yn Radio Berlin International (RBI), ddarlledu. Ymunodd rhai o staff yr RBI â Deutsche Welle ac etifeddodd DW rai cyfleusterau darlledu, gan gynnwys cyfleusterau darlledu yn Nauen, yn ogystal ag amleddau RBI.
• 1994 - ym mis Medi 1994, Deutsche Welle oedd y darlledwr cyhoeddus cyntaf yn yr Almaen gyda phresenoldeb ar y rhyngrwyd, a'r cyfeiriad i ddechrau oedd www-dw.gmd.de, a gynhaliwyd gan Ganolfan Ymchwil Technoleg Gwybodaeth GMD.

 * yn rhannol gan Deutschlandfunk (tan 1993)